Shaxsiylik/Robiya's blog👩‍🎓🖇📚

https://t.me/boost?c=2106473447

Premiumi borlar sizlardan ovozlar kutib qolaman✨

#sarhisob

Mana yil yakuniga ham oz vaqt qolmoqda. Bu yil man uchun judayam ko‘p o‘zgarishlarga hamda hayotimda tub burilishlarga boy yil bo‘ldi desam, adashmagan bo‘laman💯.

Yil boshidan hayotimni sarhisob qiladigan bo‘lsam, Qishda — "Aqlli kitobxon🤓", Bahorda — "Kinowoman🔥", Yozda — "Dramitsa🎀", Kuzda esa "Army💜" bo‘libman. Haqiqatan ham o‘zim o‘zimga qoyil qolyappan. Har faslda bir narsaga qiziqib hamma narsaga bosh suqib ko‘ribman🤭.

💫Mayli, nima bo‘lgan taqdirda ham bu o‘tgan yilimdan hech ham afsuslanmayman✅. Sababi bu yil o‘zim uchun yashaganligimni(xuddi oldin boshqalar uchun yashagandek), qiziqishlarimni yarim yo‘lda qoldirmay amalga oshirganligimni guvohi bo‘lyapman💯.

🍀Shu 1 yillik hayotim davomida shunday insonlarni ko‘rdim — borligining o‘zi baxt, yana shundaylarni ham ko‘rdim — hattoki ismining o‘zi vahimaga tushiradi. Biroq bu uchun ham tashakkur: hayot har kimning asl yuzini ko‘rish imkonini berdi🍃🍃🍃.

🖇To‘g‘ri, men hamma rajalarimni amalga oshirolmadim⏳, biroq umrimning ozginagina qismini bo‘lsa-da, mutolaaga bag‘ishladim📖. Bu mening eng quvonchli samaradorliklarimdan biridir🎊. Ana shu kitoblar orqali yana bir bor hayotda to‘g‘ri va maqsadli yashash kerakligini anglaganligim mening bu yildagi eng katta Yutug‘imdir📝.

💖Hayotimda kimlar bo‘lishidan qat'iy nazar, Ota-onam bergan mehr, e'tibor va ishonchni bera olmasligini menga bu yil bir bor menga eslatdi⚡️⚡️⚡️.

✨✨✨
O‘zimda bo‘lgan o‘zgarishlardan biri — insonlarga bo‘lgan ishonchim anchayin sustlashdi🍃. Har bir hodisaga so‘zsiz ishonaveradigan qiz har narsaga shubha bilan qaraydigan insonga aylandi. Shuning uchun ham diydam qattiqlashdi, nazarimda🌵. Dugonalarim aytganday, "zahar"lik holati kuzatila boshladi😁.

🕊2024 — ba'zan sukut saqlash kerakligini ham o‘rgatdi: keragidan ortiq qilingan muomala hurmatsizlanishingga sabab bo‘lishini anglagan holda jim qolishni afzal bila boshladim😐...


📌📌📌
Xullas, barcha-barchasi uchun senga raxmat Qadrli va Unutilmas xotiralar jam bo‘lgan — 2024😊❗️

Hayr mening oʻtgan bir yilim,
Yoʻqotilgan vaqtlarim vido…
Sizda boʻldi yuragim tilim,
Sizda berdi omadim Xudo…

Behalovat tunlarim boʻldi,
Sizda boʻldi sogʻinch azobi…
Gohi sabrim kosasi toʻldi,
Va yigʻildi chidam odobi..

Koʻp narsani angladim, bildim,
Shu bir yildan oldim ancha dars…
Gunohlarga men tavba qildim,
Vijdonimda tugallandi qarz..

Hayr mening oʻtgan bir yilim,
Rozi boʻling xotiralarga,
Men roziman sizdan olgan dars,
Va yigʻilgan tajribalarga…


✍Yasemin

#mulohaza

Insonlarning menga yoqmaydigan birdan bir jihati bu — ularning soxtakorligi. Nima foyda topar ekan deymanda, o‘zidan kimlarnidir yasab. "Dunyoga qanday kelgan bo‘lsang, shundayligingcha yasha, toki atrofingdagilar ham seni boringcha qabul qilsin, sen ham ularga yaqin bo‘laman deb asl "ko‘rinishing"ni unutma!!!"
Shunday insonlarni uchratib qolsam Mavlononing bir gapi yodimga tushadi: " Yo ko‘ringaningdek bo‘l, yo asling kabi ko‘rin"...

"Dunyoning ishlari"ning eng ta'sirli satrlari:

"Kechalari uyg‘onib ketaman, o‘ylayman. O‘ylayman: sen nomard, sen ahmoq, nimaga, nimaga o‘shanda kulding? Suratga tushishga vaqting yo‘qmidi? Kerak bo‘lsa, topasan-ku! Kitob uchun, jurnal uchun, ish ustida bog‘da, ko‘chada... Nima, sen kinoyulduzmisan? Jahonshumul shaxsmisan? Ana, bir dasta surating yotindi. Har xil. Har yerda... Faqat... Onang bilan tushgan surating yo‘q!"

...Haqiqat havoga o‘xshaydi. Nafas olib turasiz-u, o‘zini ko‘rmaysiz...

📚 "Dunyoning ishlari

Sizlardan bir iltimos shu kanalga qo‘shilib beringlar anchagina manfaatli bo‘ladi inshaAlloh

Yaxshilar kimda "Dunyoning ishlari" va "Ulug‘bek xazinasi" bo‘lsa o‘qishga berib turinglar, albatta qaytaraman, tez orada.

"Ko‘z yoshlar qirolicha"sini "ko‘z yosh qirolichasi"dek ko‘zlarimda yosh ila tomosha qilibman. Haqiqatan ham muhabbatning eng oliy ko‘rinishi ochib berilgan. Yuqoridagi yoziqlarim shuning ta'sirida...

💫Men shunday sevgi xohlayman: qanchalar yomon vaziyatda bo‘lsam ham boshimni qo‘ya oladigan yelkam bo‘lishingni;

💫Men shunday sevgi xohlayman: seni o‘zimning mashmashalarim bilan qiynab yuborsam ham hamisha menga bo‘lgan hissiyotlaringni yo‘qotmasligingni;

💫Men shunday sevgi xohlayman: qachon, qay vaziyatda bo‘lmasin doimo meni qiziqishlarimni qo‘llab-quvvatlashingni, garchi u sen uchun qiziq bo‘lmasa-da, menga bo‘lgan tuyg‘ularing bunga zamin yaratishini;

💫Men shunday sevgi xohlayman: hattoki bir kun xotiramdan ayrilsam ham seni yana eslashim uchun bor kuching bilan harakat qilishingni;

💫Men shunday sevgi xohlayman: Alining Fotimasi, Qaysning Laylisidek bo‘lishni emas, shunchaki sening yagona muhabbating bo‘lishni;

💫Men shunday sevgi xohlayman: har faslda turli yoqlarga sayohatlarga borishimizni, u yerlarda g‘ozal va unitilmas xotiralarga ega bo‘lishimizni;

💫Men shunday sevgi xohlayman: bir-birimizga bo‘lgan ishonchimizni abadiy saqlash uchun qo‘lingdan kelganini qilishingni;

💫Men shunday sevgi xohlayman: osuda tunlarda oy nuri yorug‘ida mutolaa qilishimizni;

💫Men shunday sevgi xohlayman: boshimizga qanaqa qiyinchilik kelsa, birga yengib o‘tishingni;

💫Men shunday sevgi xohlayman:xato qilgan vaziyatlarimda chiroyli sabr ila to‘g‘irlashingni

💫Men shunday sevgi xohlayman: sog‘ligimda ham, kasal bo‘lgan holatimda ham, qanday bo‘lsam, shundayligimcha, kamchiliklarimga qaramasdan sevolishingni;

💫Men shunday sevgi xohlayman:
hamisha menga Allohning borligi va birligini u har dam bizga madadkor hamda yo‘ldosh ekanligini eslatib turishingni;

💫Men shunday sevgi xohlayman:
hayotim ostin-ustun bo‘lib ketsa-da, "Alloh doimo biz bilan" deya dardkashim bo‘lishingni;

💫Men shunday sevgi xohlayman: tushingdi ham, ro‘yoda ham va hattoki keyingi hayotimizda ham men bilan yana birga bo‘lishni Tangridan so‘rashingni; 

💫Men shunday sevgi xohlayman: bir kun kelib bu dunyoda yo‘q bo‘lganimda ham qolgan umringni birga o‘tkazgan damlarimizdagi xotiralar bilan yashashingni...

💫Men shunday sevgi xohlayman: bu yozganlarimni kun kelib o‘qiganingda yuzingda tabassum bilan "buni, albatta, uddalayman" deya olishingni❤️‍🔥

Yozilgan vaqt: 03:06
19.12.2024

@xulosalari_m

"70 yildan so’ng"
     
FarDU binolari
Cho‘qqipeshona.
Ortimizda qolgan o‘quv binosi.
O‘zgaga sezilmas,
Biram yoqimli
Iforingga to‘lgan xona havosi.

Soatlab ma’ruza,
Ezilgan yurak.
Bizni sog‘ingan va biz sog‘ingan bog‘.
Uchrashuv maskani – tor kutubxona,
Sayohat joyimiz – katta oromgoh.

Yana FarDU desam yurak yig‘laydi,
Baxting bor, lek mendan ayridir baxting.
Bir lahza, ming yillik tushar esimga
Mening yigit vaqtim, sening qiz vaqting.

Farg‘ona, bu ko‘hna, bu ona tuproq,
Kelajagi buyuk, o‘tmishi qadim.
Qayta yo‘lim tushar, lekin sen uchun
Endi Farg‘onaga bosmasman qadam.

Nahot sog‘inmaysan, ishonolmayman,
Buncha diydang qattiq, yuraging qattiq.
Bir kun sandiqchadan kenja nabiram
Suratingni olib menga ko‘rsatdi.

Kim? – dedi.
Kim? – dedim eslolmagandek,
Tushda taniymanku qayrilmaqoshim.
Kim? – dedi.
Kim?! – dedim eslagan bo‘lib -
Menimcha kursdoshim, ha-ha, kursdoshim.

Yana yuragimda boshlandi to‘fon,
Armonni tirnadi yigitlik ahdi.
Yomg‘irday quyilib tushdi yodimga
Mening yigit vaqtim, sening qiz vaqting.

“A” qo‘shilgan “kimdir” barobar “sevgi”,
Kashtalar to‘kilar ko‘zni kuydirib.
Yillar o‘tdi senga, menga qasdma-qasd
O‘zga yigit, o‘zga qizni suydirib.

Oqar daryo oqdi, yoshimiz ulug‘,
Koshki yoshligimiz kelsaydi qaytib.
Bilasanmi, gulim, kenja qizimni
Bir umr chaqirdim ismingni aytib.

Men shoir emasman, men she’rman, sherman,
Shamol jim qolar men hayqirganimda.
Quvonib ketaman hammasidan ham
O‘g‘lingni “adash” deb chaqirganimda.

Talabalik o‘tdi.
Olti yil – bir zum.
Chakkangga gul emas qizil she’r taqdim.
She’rlarni o‘qisam yodimga tushar
Mening yigit vaqtim, sening qiz vaqting.

Farg‘ona yo‘llari tunda charog‘on,
Farg‘ona yo‘llari sensiz qorong‘u.
Qara, gulim, bugun ikki oshiqsiz
Huvillab qolibdi muhtasham FarDU.

Yana FarDU desam yurak yig‘laydi,
FarDU desam tilim dilimni chaqdi.
Yana FarDU desam tushar esimga
Mening yigit vaqtim, sening qiz vaqting.

Tushimda nigohing bergan tuhfani
Terib olmasligim azim uvoldir.
O‘zimni unutsam unutamanki
Seni unutmog‘im amri maholdir.

Saboga ergashib umrlar o‘tdi,
Qog‘ozlar beyozuv, qalamlar bejon.
Bugun chop etilib keldi qo‘limga
Senga bag‘ishlangan “Yettinchi devon”.

Menga alam qilar hamma hammasi,
Sensiz erishganim shuncha baxtlarga.
Ichi to‘lib ketgan yetti devonning
Hech kim sezmaydigan muvashshahlarga.

Oltin davrimizni eslayman bir-bir,
Yodimga tushadi muhabbatimiz.
Ammo taqdir ekan, nasibi shudir,
Bir-biridan go‘zal ayro baxtimiz.

Yana FarDU desam tushar yodimga,
Mening yigit vaqtim, sening qiz vaqting...

✍🏻Ahrorjon Toʻxtasinov