АЗИЗ ШИФОКОР

Оппоқ халатингиз, қалбингиз доғдек,
Соғлар бемордегу, беморлар соғдек,
Бугун қадрингиз хўп билинди тоғдек,
Эй азиз шифокор, азиз шифокор.

Таъналар ёғдилар гоҳ бошингизга,
Дарёлар чўкдилар кўз ёшингизга,
Бугун дунёлар лол бардошингизга,
Эй азиз шифокор, азиз шифокор.

Маломат нима у, ғурбат нима у,
Чарчоқ нима экан, ҳилват нима у,
Инсон ҳаётидан қиммат нима у,
Эй азиз шифокор, азиз шифокор.

Энг аввал эзгулик тилагингизда,
Гуллар унаверар йўлагингизда,
Матонат, сабот бор юрагангизда,
Эй азиз шифокор, азиз шифокор.

Гоҳо тўй, гоҳида аза бу ҳаёт,
Ким фарёд айлайгай, кимлар эса шод,
Бугун дунё сиздан излайди нажот,
Эй азиз шифокор,азиз шифокор

Ибн Синоларга бешик бўлган эл,
Тамаддун, равнақга эшик бўлган эл,
Аллоҳ ёрлақаган ҳуш кўнгил, ҳуш феъл,
Эй азиз шифокор,азиз шифокор.

Муаллиф: Хуршид Карим

👉@Xamshiralaruchun каналига аъзо бўлинг!

https://telegram.me/+g2l7HvteQaY1ODFi