▪️QMUda «Ájiniyaz» kórkem-publicistikalıq filminiń premyerası bolıp ótti

🤔Aldın xabar bergenimizdey, búgin Berdaq atındaǵı Qaraqalpaq mámleketlik universitetiniń akademik Ch.Abdirov atındaǵı mádeniyat sarayında «Qaraqalpaqfilm» kinostudiyası tárepinen súwretke alınǵan, «Ájiniyaz» kórkem-publicistikalıq filminiń premyerası bolıp ótti.

🤔Dáslep filminiń premyerası jıynalǵanlar názerine usınıldı. Bunnan soń, ilajda shayırdıń óshpes miyrasın úgit-násiyatlaw hám jas áwladqa tanıstırıw maqsetinde film qaharmanları menen sáwbetlesiwler shólkemlestirildi. Ilajdı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov alıp bardı. Ilajda dóretiwshilik jámáát aǵzaları qatnasıp, tamashagóylerdiń sorawlarına juwap berdi hám filmdi súwretke alıw processleri haqqında tolıq aytıp berdi.

🤔Ilaj qatnasıwshıları Ájiniyazdıń tek ǵana qaraqalpaq ádebiyatında emes, al ulıwma xalıqlıq mádeniyatta tutqan ornı haqqında maǵlıwmatqa iye boldı. Jaslar bolsa film arqalı shayır dóretiwshiligin jáne de tereń úyreniwge qızıǵıwshılıq bildirdi. Bul film Ájiniyazdıń bay miyrasın qádirlew hám keleshek áwladqa jetkeriwde áhmiyetli qádem bolıp xızmet etedi.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook