ONA (Ibratli hikoya)
Ona bedavo dardga yoʻliqdi. Davoning narxi baland edi…
Onaning besh farzandi bor edi. Ikki oʻgʻil va uch qiz. Ular uyli, joyli boʻlib, bir-biriga suyanib yashashardi. Chunki ularning ham farzandlari boʻlib, roʻzgʻorlarini amallab tebratishardi. Otalari ikki yil burun qazo qilgan edi…
Farzandlar oʻzaro maslahatlashib qoʻllaridan kelgancha onalariga madad boʻlish, biror-bir yordam berish uchun yigʻildilar. Ona ularning hol-ahvolini koʻrib, dardini doston qilmadi. “Doʻxtirlar tashxis qoʻyishda yanglishibdi, – dedi. Soʻng sekin shivirladi: – Men soppa-sogʻman, jonim bolalarim, hech narsani oʻylamanglar, tashvish chekmanglar”.
Bolalar asta boshlarini koʻtarib, bir-birlariga “xayriyat” deganday yengil nafas oldilar. Ona ulugʻ, bolalar esa hali bola edi.
Ona, shoʻrlik va mehribon ona bir haftadan soʻng vafot etdi. Dono va oqila ona dardini oʻzi bilan olib ketdi.
© Abduqayum YOʻLDOSHEV
❗️
@myBuy_uz
