2024 yilda tegishli organlar hamkorligida ichimlik va oqova suv tarmoqlarida o‘tkazilgan o‘rganishlar natijasida 727 ta noqonuniy ulanish va 187 ta avariya holati aniqlandi. Shuningdek, 66 ta holatda suvlarning dastlabki hisobini yuritish qoidalari buzilgani qayd etildi. Mazkur qonunbuzarliklar uchun huquqbuzarlarga nisbatan 863 ta ma’muriy jarima rasmiylashtirilib, ularning umumiy qiymati 2,334 mlrd so‘mni tashkil etdi.

Huquqni muhofaza qiluvchi organlar bilan hamkorlikda 29 ta holatda ichimlik suvi tarmog‘iga noqonuniy ulanish va suv hisoblagichga aralashuv aniqlandi. Bu orqali davlatga 1,822 mlrd so‘m zarar yetkazilgani tasdiqlanib, tegishli hujjatlar huquqni muhofaza qiluvchi idoralarga yuborildi.

Suv sifati bo‘yicha 2,295 ta tahlil o‘tkazilgan bo‘lib, ularning 3% (68 ta) sanitariya normalariga javob bermasligi ma’lum bo‘ldi. Shuningdek, suv ta’minoti va oqova xizmatlari joriy qilingan mahallalarda 575 nafar iste’molchi bilan 451,6 mln so‘mlik shartnomalar tuzildi.

Byudjet tashkilotlarida o‘tkazilgan 384 ta o‘rganishda 81 ta kamchilik aniqlandi. Mazkur holatlar bo‘yicha 68 ta 63,05 mln so‘m miqdorida ma’muriy jarima qo‘llanildi.

Telegram | Facebook | Instagram | YouTube | Web-site | Twitter