🌐Toshkent teleminorasi – 40 yoshda!

📶 Bugun yurtimizning faxri – Toshkent teleminorasi o‘zining 40 yilligini nishonlamoqda. 1985-yilning 15-yanvar kuni ishga tushirilgan ushbu inshoot 6 yil davomida qurilib, nafaqat O‘zbekiston, balki butun Markaziy Osiyoning muhim ramzlaridan biriga aylangan.

📶 375 metrlik balandligi bilan Toshkent teleminorasi Markaziy Osiyodagi eng baland, MDH davlatlari orasida esa ikkinchi o‘rinda turadi. Minoraga chiqish uchun Shveysariyaning uchta “Schindler” lifti o‘rnatilgan bo‘lib, ularning tezligi soniyasiga 4,8 metrni tashkil etadi.

📌1971-yilning 1-sentabrida O‘zbekiston aloqa vazirligi tasarrufida Toshkent radiotelevizion uzatish markazi qurilishi direksiya tashkil etildi. Shundan so‘ng, qisqa muddatda yangi teleminora loyihasi ishlab chiqila boshlandi. Loyiha tayyorlashda sinchkovlik bilan yondashilib, bir necha bor qayta-qayta o‘rganildi va sinovlardan o‘tkazildi. Sababi, bunday balandlikdagi inshoot qurilishi hali tajribada bo‘lmagan edi. 1978-yilda teleminora qurilishi rasman boshlangan.

📍Toshkent teleminorasi nafaqat telekommunikatsiya xizmatlarini ko‘rsatish, balki mamlakatimizning sayyohlik markazlaridan biri sifatida ham ahamiyatga ega. Kuzatish maydonchalari, restoranlari va zamonaviy infratuzilmasi har yili minglab sayyohlarni o‘zining hayratomuz manzaralari bilan jalb etadi.

❗️Ushbu 40 yillik benazir inshoot kelajakda ham yurtimiz taraqqiyoti va madaniyati ramzi sifatida tarixda qolaveradi.

📹 Videoni sifatli formatda quyidagi havola orqali tomosha qilishingiz mumkin: https://www.youtube.com/watch?v=DGKq59wj8MA

📩Telegram 📱Facebook 📱 Instagram 📺Youtube 🌐 LinkedIn 🐦 X