✍️ O‘quv kursining ikkinchi kunida Turkiyalik malakali mutaxassislar tomonidan forel baliqlarini to‘g‘ri yetishtirish va inkubatsiya jarayonlarida nimalarga eʼtibor berish kerakligi to‘g‘risida maʼlumotlar berildi.

🇹🇷 Turkiyada forel baliqlari asosan 4 xil yo‘nalishlarda yetishtiriladi:
- tijoriy;
- genetika;
- zaxira;
- naslchilik.
Bu yo‘nalishlar o‘zaro bir-biriga bog‘liq bo‘lib, naslchilik ishlari genetik tahlillar orqali amalga oshiriladi.

📱 Kurs davomida forel yetishtirishning dastlabki inkubatsiya ishlarida gigiyena qoidalariga rioya qilish, suv sifatini doimiy nazorat qilish, to‘g‘ri oziqlantirish va kislorodga to‘yinganligiga alohida eʼtibor berish kerakligi taʼkidlandi.

🐟 Maʼlumot o‘rnida, dunyoda uch turdagi inkubatsiyadan foydalaniladi:
1️⃣ gorizontal;
2️⃣ vertikal;
3️⃣ banka inkubatsiyalari.

🛍 Forel yetishtirish inshootlarida naslni asrash, ona va erkak baliqlar uchun alohida hovuzlar, inkubatsiya, sog‘ish xonasi (urug‘ olish), oziqlantirishga o‘rgatish va karantin xonalarini ichiga olgan xonalar qurish tavsiya etiladi.

❗️ Taʼkidlash kerakki, baliqlarning stress holatiga suv sifati, suvning birdan o‘zgarishi, jismoniy zo‘riqish, igna terapiya, dorilash, yem mahsulotining sifatsizligi kabi omillar sabab bo‘lishi mumkin.


🌐 Websayt | 📱 Telegram | 📱 Facebook | 😍 Bot