Hurmatli qadrdonlar! Bugungi kunda ko’plab insonlar firibgarlar tuzog’iga ilinmoqda! Xo’sh ularga aldanib qolmaslik uchun nima qilish kerak? Qanday ehtiyot choralarini ko’rish zarur? Firibgarlar bizga nisbatan qanday hiylalarni amalga oshiradi. Quyidagi holatlar orqali buni tushuntirishga harakat qilaman.

Birinchisi Qo’ng’iroq orqali -siz katta miqdorda pul yutib oldingiz, yoki bankdan qo’ngiroq qilyapmiz deb sizga kelgan sms xabar orqali kartangizdagi bor pulni o’zlashtirish;

Ikkinchisi, Messangerlar orqali -turli havola va ilova fayllari orqali shaxsiy hisobingiz o’zlashtirilishi va sizning nomingizdan qolganlarga ham shu xabarlarni tarqatishlik;

Uchinchisi, Fishing-pochtangiz orqali shaxsiy ma’lumotlaringiz o’g’irlanishi (bunda parollar, bank karta haqida ma’lumotlarni topshirib qo’ygan bo’lasiz;

To’rtinchisi, Mashxur shaxlar va kompaniyalar nomidan  yuborilgan soxta xabarnomalar orqali sizdan pul evaziga shartnoma va ish takliflari qilishlari mumkin.

Firibgarlik turlari haqida ma'lumotga ega bo‘lishdan tashqari ularga xavsizlik choralarini ko’rib qo’yishimiz lozim. Buning uchun, avvalo, shaxsiy ma'lumotlaringizni himoya qilishni unutmang. Begona qo‘ng‘iroqlarga javob berayotganda yoki elektron pochtalarni tekshirganda hushyor bo‘ling. Shubhali xabarlarni ochishdan, noma'lum havolalarga kirishdan o’zizni saqlang!

Shuni doimo yodda tuting! Hech bir rasmiy tashkilot sizdan shaxsiy ma'lumotlaringizni talab qilmaydi.
Firibgarlikni oldini olish uchun bilim va ogohlik eng yaxshi quroldir. O'zingizni va yaqinlaringizni himoya qiling, firibgarlar qurboniga aylanib qolmang! Ogoh bo’ling!

Unutmang! Firibgarlarning birdan- bir maqsadi sizning pul mablag’laringizni o’zlashtirishdir!