"Ўсмат ота" масжиди

#Улуғлар_насиҳати


• Мени энг кўп ўйлантирадиган нарса:

• Бир инсоннинг
• Аллоҳ таолони таниб, Унга исён қилиши;
• Шайтонни билиб, унга итоат этиши;
• Дунёни билиб, унга майл кўрсатишидир.

🖋Ҳазрати Умарул Фаруқ розияллоҳу анҳу

@usmat_ota

#Улуғлар_насиҳати


• Аллоҳ таолога қуллик
• Бу ҳалол ва ҳаромлар чегарасини муҳофаза этиш,
• Аҳдларга вафо қилиш,
• Борига рози бўлиб, йўғига сабр қилиш деганидир.

🖋Ҳазрати Усмон зиннуройн розияллоҳу анҳу


🕊@usmat_ota

ФАРЗАНД ТАРБИЯСИДА ЕТТИ ЗАҲАРДАН ЭҲТИЁТ БЎЛИНГ:

1. Бир бирига солиштириш. Болани бир бирига солиштириб, ажратиш унинг ҳаётини барбод қилади.

2. Жисмоний қўполлик, уриш ёки қўпол, уят сўз ишлатиш. Булар боланинг ўзига бўлган ишончини барбод қилади.

3. Масхаралаш. Доим масхара қилинган бола ўзини ҳурмат қилмайдиган бўлиб қолади.

4. Ортиқча эркалатиш. Кўп эркалатилган, талтайиб кетган бола масъулиятсиз бўлиб қолади.

5. Ортиқча тергаш. Доимий назорат ва ортиқча изоҳ талаб қилиш бошқалар фикрини қабул қилиш хусусиятидан маҳрум қилади.

6. Бепарволик. Боланинг дардиаг қулоқ солмаслик, у билан мулоқотга вақт ажратмаслик ундаги хотиржамлик ҳис туйғусини барбод қилади.

7. Шижоатлантирмаслик. Рағбатлантирилмаган бола янгилик яратишдан, ижод қилишдан маҳрум бўлиб қолади.

@usmat_ota

29 dekabr 2024 yil 
28 Jumodus-soniy1446y          
Yakshanba.
Oʻsmat vaqti bilan namoz vaqtlari
   
07:05 BOMDOD.
13:00  PESHIN.     
15:40  ASR.             
17:25  SHOM          
18:45  XUFTON. 

"....albatta, namoz - moʻminlarga vaqti tayin boʻlgan farzdir" (Niso 103)

@usmat_ota

Усмон розияллоҳу анҳу халифалик йилларида шундай буйруқ ёздирдилар: «Бундан буён ҳожилар Маккага келганларида Минода намозларни мусофир сифатида эмас, муқим ўлароқ ўқийдилар». Бу буйруққа кўра ҳожилар тўрт ракъатлик намозларни тўлиқ ўқишлари керак эди. Ибн Масъуд Усмон розияллоҳу анҳунинг бу ижтиҳодига эътироз билдириб, «Расули Акрам алайҳиссолату вассалом Минода турганларида тўрт ракъатлик намозларни икки ракъат ўқиганлар», дедилар. Ҳазрати Усмон: «Лекин ҳозир мен бир нарсадан хавфсираяпман. Ҳажга биринчи марта келиб, ибодатларга гувоҳ бўладиган минглаб одамлар бор. Улар намозлар икки ракъат ўқилаётганини кўриб, эртага юртига қайтганида ҳам намозни шундай ўқий бошлаши мумкин. Шунинг олдини олиш учун намозларни тўрт ракъат ўқишимиз керак», дедилар. Ибн Масъуд розияллоҳу анҳу бунга эътироз билдирдилар. Натижада ўртада ихтилоф юзага келади. Абдуллоҳ ибн Масъуд одамларга имом бўлиб, намоз ўқишдан олдин жамоатга юзланиб, «Намозларни тўрт ракъат қилиб ўқиймиз, Аллоҳу акбар!» дедилар. Одамлар ҳайрон бўлишди. Намоз тугагач, «Ахир ўзингиз Усмонга бу масалада хилоф қилмаганмидингиз?» каби саволлар берилди. Абдуллоҳ ибн Масъуд розияллоҳу анҳу: «Усмон–мусулмонларнинг қонуний халифаси. Унинг ижтиҳоди хато бўлса ҳам, бизнинг вазифамиз тафриқа эшигини очмай, унга бўйсунишдир. Шунинг учун ўзим айтган гапга хилоф қилиб, Усмоннинг ижтиҳодига амал қиляпман», деб жавоб бердилар.

👉@usmat_ota

Қуръон ўқиганинг сари умрингга барака кираверади

Уламолардан бири айтади: «Қуръондан ўқийдиган вазифам кўпайгани сари вақтимда ҳам барака шунча кўпайиб бораверди. Вазифамни кўпайтириб боравердим, ҳатто кунлик вазифам ўн порага етди».

@usmat_ota

Расули Акрамнинг амаллари

Бир куни Расули Акрам алайҳиссолату вассалом саҳобалар билан масжидда ўтирган эдилар, бир бадавий кириб келиб, масжиднинг бир четига бориб, бавл қилди. Саҳобалар дарғазаб бўлиб, «Ҳой, ундай қилма!» деб, уни тўхтатмоқчи бўлишди.
Аллоҳнинг Расули соллаллоҳу алайҳи васаллам: «Тегманглар, охиригача тамомлаб олсин», дедилар. Сўнг: «Бир челак сув қуйиб, у ерни тозаланглар», деб буюрдилар. У зот айтганларидек қилинди. Сўнг Пайғамбаримиз алайҳиссалом ўша бадавийни ёнларига чақириб, қилган иши хато эканини меҳрибонлик билан тушунтирдилар. Бу насиҳатдан сўнг бадавий бориб, таҳорат қилиб келди. Сўнг намоз ўқиди-да, кейин қўлларини очиб, «Аллоҳим, менга ва Муҳаммадга раҳм қилгин, иккимиздан бошқа ҳеч кимга раҳм қилмагин!» деб дуо қилди. Расулуллоҳ соллаллоҳу алайҳи васаллам бу дуони эшитиб, табассум қилдилар. Сўнг «Эй Фалончи, Аллоҳнинг раҳматини торайтириб қўйдинг-ку!» - дедилар.
Нақадар чексиз мархамат, чексиз шафқат!
Пайғамбаримиз алайҳиссаломда ана шундай гўзалликлар, афзалликлар бор эди. Хозир, биз уларни ҳаётимизга татбиқ қилмаймизми?
Дейлик, ўғлимиз ёки қизимиз уйдаги бирор қимматбаҳо ашёни қўлидан тушириб юборса, ўша матох синса, уларга айтадиган биринчи гапимиз нима бўлади? Пайғамбаримиз алайхиссаломдек бағримизга босамизми ёки бақириб, қарғаб, дуоибад қиламизми?

👉@usmat_ota