Toshkentda zamonaviy texnologiyalar asosida 🌲🌳o'rmonlardagi karbonat angidrid miqdorini aniqlash va monitoring qilish bo'yicha seminar bo'lib o'tdi. Tadbir 🇺🇳BMTning Oziq-ovqat va Qishloq xo'jaligi tashkiloti (FAO) hamda O'rmon xo'jaligi agentligi hamkorligida amalga oshirilayotgan va Global ekologik jamg'arma tomonidan moliyalashtiriladigan loyiha doirasida tashkil etildi.

Seminar xalqaro ekspertlar, mahalliy mutaxassislar va manfaatdor tomonlar ishtirokida o'tkazilib, o'rmonlarning karbonat angidridni yutishini aniqlash va monitoring qilishda zamonaviy texnologiyalarning ahamiyati muhokama qilindi.

Seminar o'rmonlarning iqlim o'zgarishiga qarshi kurashdagi roli va barqaror boshqaruvning ahamiyatini ta'kidladi. Loyiha maqsadi esa o'rmon karbon zahiralaridagi o'zgarishlarni baholash va kuzatish uchun ishonchli tizim yaratishdan iborat.