Yomg‘irni qumsadim
Avji saraton,
Ruhim dashtlarida gullar alanga.
Ko‘z yoshga o‘xshabmas,
Yomg‘irdek beshon
Oqib borayapman osmonga.

Yulduzlar chanqog‘i bosilarmikin,
Umid unarmikin qaroqlarida.
Nechun kuyib borar yorimning yodi
Manglayimning sho‘rhok tuproqlarida.

Yomg‘irni qumsadim,
Garchi saraton
ko‘zlarimga boqib oshar haddidan.
Qadahman, o‘ziga to‘lmas hech qachon
Va ishqning tug‘ilmay qolgan ahdiman..

✍Madina Norchayeva