Bir kishi kitob soʻradi, ayni damda sharoiti yoʻq ekan, maxsus kelishuv bilan uydan qidirtirdim, oʻzimda borlarini bermoqchi edim (oʻzing kelda top deyildi va sezdimki taklif kiritishim kerak ekan,qarabsizki kelishuvga erishdim, nima evaziga ekanligini aytmay qoʻya qolay). 1-kun bosimim ostida rassa qidirildi, ammo kitoblar deyarli topilmadi, umaman desa ham boʻladi. 2 - kun esa yana kelishuv tuzishimga toʻgʻri keldi va qayta uyni agʻdar-to'ntar qilishga majbur qildim. Baxtga qarshi kitoblarning hech biri topilmadi.. vaholanki menda 70% i bor edi bu kitoblarni?.. oʻsha vaqtda shuncha kitoblar qayerga ketganligini oʻylab qayergacha borib kelganimni oʻzim bilaman..
Oradan ozroq vaqt oʻtib bir yaqinimda bu kitoblar borligini va uni berishga koʻndirdim, hayriyatki, bu mening shaxsiy budjetimga zarar yetkazmadi . Ammo kitoblarni yetkazib berish qimmatga tushdi, yana bir kelishuvga tushdi.. exx..
Oradan vaqt oʻtib qay bir sabab bilan uyga bordim, qaytadan hamma yerni koʻrib chiqdim, kiyimlar solinadigan shkaflarni ham titibman oʻylab qarasam😂
Topolmadim.. hammasi Tamom..

Kech boʻldi, televizorni yoqib kitob titkilay boshladim . Televizor koʻrib oʻtirgan Oyqizim kelib yonimga oʻrnashdi , haa, yangi kitobmi dedi, shunday dedim . Menda ham yangilari bor dedida kuldi, uxx dedim, qani bir maqtanmaysizmi Oyqizim?
Hozir olib kelaman dedida, kitoblari orasidan bir kitobni qoʻllari orasiga berkitib orqamachasiga menga yaqinlasha boshladi, qani qaniii ? Ne köz bilan qarayki shaxsiy budjetimni salkam bankrot darajasiga keltirgan kitob Oyqizim qoʻllarida uning yuziga tabassum yugurtirib turibdi
Ooo dedim yana ooo dedim.. muborak muborak , kim olib berdi bu ajoyibotni desam eya meni kim deb oʻylayapsiz oʻzim oldim, kitoblaringiz orasidan topdim va oldim deydi😂 uxx dedim qolganlariniyam olmabsizda desam, yana bir bor koʻrsataymi deydi😅

Sirli joyga olib bordi, qarasam salkam menga insult berib yoʻqolgan hamma kitoblarim taxtlab qoʻyilgan, ostida paket, paket ustida esa mato tashlangan, koʻrib koʻz quvonadi.. ooo..
Demak, yaxshi oʻrnak boʻla olyapman ekan, yetkazganiga hamd deb qoʻydim..
Toʻxtang men oʻqib beraman hozir, keyin keyin Urushamiz deydi, nega urushamiz desam soʻramay oldimda deydi, xursand😂

Hozirgina ustoz aytdilar bir savolga javob shaklida, "har qanday yoshlarni kitobga jalb qilish uchun eng yaxshi va muvaffaqiyatli yoʻl ular oldida kitob oʻqishdir " dedilar.

Alam qilgan yagona narsa , hali birorta kitob sovgʻa qilmabman Oyqizimga..
Oyqizim sizdan kitoblar qarzim bor ekan..

Siz ham oʻrnak boʻling, keyin talab qiling