📢 Toshloq tumanida IT sohasi bo‘yicha seminar-trening!

Bugun Toshloq tumanidagi ixtisoslashgan maktabda IT Park Farg‘ona filiali, Raqamli Ta'limni rivojlantirish markazi va Raqamli Texnologiyalar Markazi vakillari ishtirokida katta seminar-trening bo‘lib o‘tdi. Tadbirda informatika va AT fanlari o‘qituvchilari hamda IT sohasiga qiziqqan o‘quvchilar ishtirok etdilar.

🔹 IT Park Farg‘ona filiali rahbari Djalilov Baxromjon Toshloq tumani Zarkent qishlog‘ida qurilayotgan "IT shaharcha" haqida batafsil ma'lumot berdi. U yerda yaratiladigan zamonaviy IT infratuzilma yosh dasturchilar uchun katta imkoniyatlar ochishini ta'kidladi.
🔹 Boltaboyev Ilhomjon, "Bir million o‘zbek dasturchilari" loyihasining yangi bosqichi boshlanganligini e’lon qildi. Unga ko‘ra, bu yilgi bosqichda yoshlar uchun yanada qiziqarli va motivatsiya beruvchi sovrinlar tayyorlangan.
🔹 Turg‘unov Salohiddin esa tez orada Toshloqda ishga tushiriladigan "CO-HUB coworking markazi" haqida ma'lumot berdi. Bu markaz yosh mutaxassislar uchun ijodiy muhit va qulay ish maydonlari taqdim etadi.

Tadbir davomida o‘qituvchilar va o‘quvchilar o‘zlarini qiziqtirgan savollarga javob olishdi hamda IT sohasida kelajakdagi imkoniyatlar haqida foydali ma’lumotlarga ega bo‘lishdi.

💻 Ushbu seminar ITga qiziqadigan yoshlar va o‘qituvchilar uchun yangi bilim va ilhom manbai bo‘ldi!
#IT #Toshloq #RaqamliTalim #ITPark #Texnologiya #uzbekcoders