#ТОНГГИ МУТОЛАА
🌷UMR...

Men umrni ko‘rmay qolibman
Yonginamdan o‘tib ketibdi
Qo‘limga bir kitobni tutib
Taqdirimni bitib ketibdi.

Xatto yuzin bir bor ko‘rsatmay
Izlarini chizib ketibdi
Meni hayot jangiga tashlab
"Kurash" - deya, yozib ketibdi.

Ketayapman ortidan quvib
Bolalikni, yoshlikni tashlab
Goho kulib, goho anglamay
Goho, unsiz ko‘zimni yoshlab.

Har yil qishda bir yo‘qlab kelib
Yoshimga yosh, qo‘shib ketarmish
Go‘yo, menda alami bordek
Sochimga qor to‘kib ketarmish.

Men umrni ko‘rmay qolibman
Yonginamdan o‘tib ketibdi
Peshonamga ajinlar tortib
Suratini chizib ketibdi.

🌷Men umrni ko‘rmay qolibman...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot