Bugun Toshkent davlat iqtisodiyot universiteti To‘rtko‘l fakultetida 8-Mart – Xalqaro xotin-qizlar kuni munosabati bilan bayram tadbiri bo‘lib o‘tdi. Tadbir davomida fakultetda faoliyat yuritayotgan professor-o‘qituvchi ayollar va xodimalar e’zozlanib, ularning fidokorona mehnati alohida e’tirof etildi.

Universitet ma’muriyati nomidan ustozlarga samimiy tabriklar yo‘llanib, ularning ilm-fan va ta’lim sohasidagi xizmatlari yuksak baholandi. Tadbirda O‘quv ishlari bo‘yicha birinchi prorektor Sultonali Mehmonov ishtirok etib, ayol ustozlarni va fakultet xodimlarini tabrikladi. U o‘z nutqida xotin-qizlarning jamiyatdagi va ta’lim sohasidagi beqiyos o‘rnini ta’kidlab, ularning fidokorona mehnati har doim e’tirof etilishini aytib o‘tdi.

Tadbir yakunida professor-o‘qituvchilarga universitet nomidan maxsus esdalik sovg‘alari topshirildi. Bayram tadbiri iliq va samimiy muhitda o‘tib, barcha ishtirokchilarga yuqori kayfiyat ulashdi.