“Mardlar qo‘riqlaydi Vatanni!”

Bugun TDIU To‘rtko‘l fakultetida 14-yanvar – Vatan himoyachilari kuni munosabati bilan “Forma qadrini mendan so‘ra” mavzusida tadbir bo‘lib o‘tdi. Tadbirda faxriy harbiylar, professor-o‘qituvchilar hamda talabalar ishtirok etdi. Tadbir davomida harbiy xizmatning sharafli burchi, askarlik formasining qadr-qimmati haqida so‘z yuritildi.

Faxriy harbiylar o‘z xizmat yillaridagi mashaqqatli damlar va mardlik haqidagi hayotiy tajribalari bilan bo‘lishib, yoshlarga Vatan himoyachisi bo‘lishning ulug‘ vazifa ekanligini uqtirishdi. Ishtirokchilar mazkur uchrashuv orqali harbiylarning fidoyiligi va jasorati haqida ko‘proq ma’lumotga ega bo‘lishdi.

Vatan himoyasi – mardlik va fidoyilikning eng yuksak ifodasidir!