Bugun TDIU To‘rtko‘l fakultetida 14-yanvar – Vatan himoyachilari kuni munosabati bilan “Mardlar qo‘riqlaydi Vatanni!” shiori ostida “Yosh temurbeklar” musobaqasi bo‘lib o‘tdi. Ushbu musobaqada yigitlarimiz o‘zlarining matonati, jasorati va jangovar mahoratini namoyish etishdi.

Bellashuv davomida yosh temurbeklar o‘zaro kuch sinashib, o‘tkir zehni va jismoniy tayyorgarligi bilan ajralib turishdi. Tadbir nafaqat musobaqa, balki yigitlarimizni vatanparvarlik ruhida tarbiyalash va Vatan himoyachilariga bo‘lgan hurmatni yanada oshirishga qaratilgan ulkan tashabbus sifatida o‘tdi.

Vatan – muqaddas, uni himoya qilish esa mardlarning sharafli burchi!
Mardlarimiz bor ekan, Vatanimiz tinch va osoyishta bo‘ladi!