Kuni kecha, 14-fevral kuni Kamoliddin Behzod nomidagi Milliy rassomlik va dizayn institutida alohida bir ilhom va ijod ruhi hukm surdi. “Olima ayollar: san’at va hayot” mavzusidagi davra suhbati o‘zining chuqur mazmuni va yuksakligi bilan barchamizni hayratga soldi.

Anjumanda O‘zbekiston Badiiy akademiyasining zabardast vakillari - tarix fanlari doktori, proffessor Jannat Ismailova hamda akademik, san’atshunoslik fanlari doktori, professor Kamola Akilovalar o‘zlarining sermazmun ma’ruzalari bilan ishtirok etdilar. Ularning har bir so‘zi durdonalardek qimmatli, tajribalari esa kelajak avlod uchun tengsiz maktab bo‘lib xizmat qildi.

San’at va ilm-fan sohasidagi buyuk olimalarimizning hayot yo‘li, ulkan yutuqlari va izlanishlari haqidagi hikoyalari yoshlar qalbida yangi orzular uyg‘otdi. Ular o‘z ma’ruzalarida nafaqat ilmiy kashfiyotlar, balki san’atning inson hayotidagi beqiyos o‘rni, uning jamiyat taraqqiyotidagi ahamiyati haqida ham to‘lib-toshib so‘zladilar.