Tanzila Narbaeva

🇺🇿🇺🇿🇺🇿 Intiluvchan, yosh bo‘lishiga qaramay hayotda o‘z o‘rnini topgan qizimiz Shirin Abdullayevaning vafoti barchamizni chuqur qayg‘uga soldi.

Endigina 19 yoshga kirgan qizimiz o‘z iqtidori, mehnati bilan ilmda, san’atda o‘zini namoyon eta olgan umidli yoshlarimizdan biri edi. 2023 yilda san’at yo‘nalishi bo‘yicha Zulfiya nomidagi Davlat mukofoti bilan taqdirlangan.

Xitoyda tahsil olayotgan qizimizning kelajakda O‘zbekistonimiz rivojiga hissa qo‘shish, ikki mamlakat o‘rtasidagi do‘stlik rishtalarini yanada mustahkamlash kabi yuksak orzulari bor edi. Ammo, beshafqat o‘lim uni oramizdan olib ketdi.

Shirinning ota-onasi, yaqinlariga chuqur ta’ziyamizni bildiramiz.

@tanzilanarbaeva

🇺🇿🇺🇿🇺🇿 Korrupsiyaga qarshi kurashish Milliy kengashi tomonidan mamlakatimizda ushbu illatni bartaraf etish bo‘yicha amalga oshirilgan ishlar tahlil qilindi.

O‘tgan davr mobaynida sohaga oid 10 ga yaqin qonunlar qabul qilindi. Shu jumladan, o‘tgan yili kuchga kirgan “Manfaatlar to‘qnashuvi to‘g‘risida”gi Qonun ushbu illatga nisbatan murosasiz muhitni shakllantirishda
muhim omil hisoblanadi.

Shu bilan birga, yig‘ilishda korrupsiyaga qarshi kurashish borasida amalga oshirilgan ishlar bilan birga, hal etilishi lozim bo‘lgan ayrim masalalar mavjudligi qayd etildi.

Yig‘ilish yakunida davlat organlari va fuqarolik jamiyati institutlari o‘rtasidagi hamkorlikni yanada mustahkamlash, shaffoflikni ta’minlash va korrupsiyaga qarshi tizimli choralarni kuchaytirish bo‘yicha aniq vazifalar belgilab olindi.

@tanzilanarbaeva

🇺🇿🇺🇿🇺🇿 Bugun Yevropa Ittifoqining O‘zbekistondagi elchisi Toyvo Klaar bilan uchrashuv o‘tkazdik.

Muloqotda O‘zbekiston va Yevropa Ittifoqiga a’zo davlatlar o‘rtasidagi strategik munosabatlar yangi bosqichga ko‘tarilganligi alohida e’tirof etildi.

Uchrashuvda savdo-iqtisodiy, ijtimoiy-madaniy sohalardagi loyihalarni kengaytirish masalalarini muhokama qildik.

Yevropa Ittifoqi tarkibidagi davlatlar bilan ikki tomonlama parlamentlararo munosabatlarimiz, shuningdek, Yevroparlament bilan hamkorligimiz rivojlanib borayotgani, bu borada aniq yo‘naltirilgan loyihalar amalga oshirilayotganligi qayd etilib, ularni yanada takomillashtirish yuzasidan fikr almashdik.

#hamkorlik #senat #parlament #EI

@tanzilanarbaeva

Tashrifimizning navbatdagi manzili Buxoro viloyatining Olot va Jondor tumanlari bo‘ldi.

Joylardagi ishlab chiqarish korxonalari, issiqxonalar, tadbirkorlik faoliyatlari va u yerda ishchi-xodimlar uchun yaratilgan mehnat sharoitlari bilan tanishdik.

Mahallalar kesimida “Kambag‘allikdan farovonlik sari” dasturlarining ijrosiga doir choralarni amalga oshirish yuzasidan “mahalla yettiligi”, mahalliy va tijorat banklari mas’ullariga, mahalliy kengash deputatlariga zarur tavsiyalar berildi.

Safarimiz davomida yosh velosportchilarimiz bilan ham uchrashdik. Kuni kecha Osiyo chempionatidagi yuksak natijalar yosh sportchilarimizga chempionlik sari kuch va g‘ayrat berayotganligi quvonarli.

Buxorolik hamyurtlarimiz, soha vakillari bilan suhbatlarimiz davomida ularning turmush sharoitlari, qiziqtirgan masalalari bo‘yicha samimiy muloqotlar o‘tkazdik, kelgusi rejalar bilan o‘rtoqlashdik.

#senat #mahalliykengash #Buxoro

@tanzilanarbaeva

Buxoroga tashrifimiz doirasida Buxoro davlat universitetida «Ilm-fan sohasidagi ayollar va qizlar xalqaro kuni» munosabati bilan o‘tkazilgan forumda ishtirok etdik.

Forum doirasida oliy ta’lim muassasalarida mehnat qilayotgan, ta’lim olayotgan olima ayollar va talaba qizlarning ilmiy hamda innovatsion ishlanmalari ko‘rgazmasi bilan ham yaqindan tanishdik.

Shubhasiz, buxorolik olimalarimizning aholi salomatligini saqlash, ijtimoiy-iqtisodiy sohalarni rivojlantirishga oid loyihalari alohida e’tirofga loyiqdir.

Ushbu kun xotin-qizlarning ilm-fanga qo‘shgan hissasiga e’tibor qaratish va ilmiy sohalarda gender xilma-xillikning ahamiyatini kuchaytirish borasidagi kelgusi vazifalarni belgilab olish uchun yaxshi imkoniyatdir.

Mamlakatimizda 2030-yilgacha gender tenglikka erishish Strategiyasida ham ayollarni ilm-fan sohasida qo‘llab-quvvatlash, ularning intellektual va ijodiy salohiyatini oshirish asosiy yo‘nalishlar sifatida belgilangan.

Ilmiy faoliyatdagi opa-singillarimizga dadil g‘oyalar, ilmiy yangiliklar va kashfiyotlar yaratishlarida yanada ulkan yutuqlar tilab qolaman!

@tanzilanarbaeva