Huvillar kun sayin xarobot dunyo,
Beorom ruhimga izladim panoh.
Ichikkan koʻnglimni yoritmas ziyo,
Sogʻingan insonim Siz, Rasululloh!
🥺🥺🥺

Tun uzun, toʻkilar koʻzimdan durlar,
Yulduzlar- samoga sochilgan hurlar.
Kechirsin boshqalar, behad uzurlar,
Sogʻingan insonim Siz, Rasululloh!
😪😪😪

Bormikin sogʻinchning biror davosi,
Shuncha intiqlikning vaslu safosi.
Sizdan soʻng beqadr boʻlgan dunyosi,
Sogʻingan insonim Siz, Rasululloh!
😔😔
Ummu Amina