o'zimni tahlil qilib anglaymanki, hamma yoppasiga qiziqqan, shov-shuv qilgan, yoqtirgan narsalar, insonlarga man (ko'pincha) qiziqmas ekanman.

boshqacha nimadir topgim keladi. katta xonada biri biriga gap bermay gaplashayotganlar emas, bir burchakda jiiimgina atrofni kuzatib o'tirgan bitta inson e'tiborimni tortadi. va aynan o'sha bilan suhbatlashib ko'rgim keladi...

tengdoshlarim trend, brend, moda qilib yurganda, o'zimga, va shaxsiy qadriyatlarimga yarashgan kiyimni kiygim, ishni qilgim keladi...

yoshlar sho'x, raqsbop, rep qo'shiqlar eshitayotganda soookin, 'tiring-tiring' ashulalar eshitgim keladi...

safsatadan iborat, turishi o'ldim-kuydim, fantastika-ku, deyishsa ham, buni bilib turib ham yig'lab-yig'lab (bolaligimizda berilgan yaxshilaridan) hindcha kinolar ko'rgim kelib qoladi...

suhbat davomida hech qanday manipulatsion o'yinlarsiz, psixologik tahlillarsiz, shunchaki suhbatdoshimni boricha qabul qilib, samimiy gaplashgim keladi...

ba'zida ko'chalarda hech kimga e'tibor bermay past ovozda bo'lsa-da, qo'shiq kuylagim, she'r o'qigim keladi...

shaharga borganda boshqa, uyga qaytganda boshqa emas, doim o'zligimdan faxrlanib, borimcha ko'ringim keladi...

va bularning barchasi xohishlarim emas, (va hammasi ham emas), allaqachon odatga aylanganlarimdir. Shahinaning kimdir bilgan, kimdir bilmagan binnimalari.

ba'zida qalbni ham eshitib yozib turish kerak, gapirmay qo'ymasligi uchun. bu yoziqlar ham shulardan biri edi.

manfaat va'da qilinmagan
#daydi_hislar

@sobirovnas_blog