Mazkur saylov uchastkalarida erta tongdan yurtdoshlarimiz konstitutsiyaviy huquqlaridan foydalangan holda o'zlari munosib deb topgan partiya uchun ovoz berishyapti.

Saylov jarayonlari milliy qonunchilik va xalqaro huquq meʼyorlariga muvofiq tashkil etilib, saylovchilarga barcha qulayliklar yaratib berilgan.

Jumladan, saylovchilar uchun ularni qiziqtirgan savollarga javob olishlari uchun uchastkalar O'zbekiston Konstitutsiyasi, Saylov kodeksi va axborotnomalari hamda partiyalarning saylovoldi dasturlari bilan ta'minlangan.

Vatandoshlarimiz saylovga demokratik tamoyillarga xos tayyorgarlik ko'rilganligi, fuqarolarning emin-erkin ovoz berishlarini ta'minlash uchun barcha choralar ko'rilganligini alohida e'tirof etmoqda. Saylov jarayonlarini o‘tkazishda O'zbekiston yoshlari umumjahon assotsiatsiyasining Qirg'izistondagi vakilligi volontyorlar jamoasi faol bo'lishmoqda.

O‘zbekiston fuqarolarigini qabul qilgan Osorox Eseoghene Enokx va Osorox Viktoriya Enokx ham ilk bor saylovda ovoz berishdi.

Saylovlar yuqorida tashkil etilgan saylov uchastkalarida davom etmoqda.