ШЕЪРИЯТ.

Шогирд сўрди: – Қай бири азиз,
Дўстми ёки қариндош-жигар?
Устоз жавоб берди: – Шубҳасиз,
Қариндош! У дўст бўлса агар.

  Эркин Воҳидов

Биласанми тилинг недур оғизда,
Ақл хонасига калит доимо!
Эшик ёпиқ бўлса билиб бўлмайди,
Хона ичра девми, фариштами ё!

   Ибн Камолпошшо

Мазлум бўлсанг бўлгин, золим бўлмагин,
Узилсанг узилгин, узган бўлмагин.
Маҳшарда ҳисоби жуда ҳам оғир,
Эзилсанг эзилгин, эзган бўлмагин...

    Жалолиддин Румий

МУЛК

Ожиз банда, гапларимни кўнглингга олма,
Замин Аллоҳ мулки эрур, сен чангал солма.
Мусофирсан, муҳожирсан ернинг устида,
Муддатингни яшадингми – йўлингдан қолма!

   Абдулла ОРИПОВ  

Курашсанг арзийди ҳақиқат учун,
Курашиб юрганлар ҳақдир, одилдир,
Қотиллик қилганлар қотилдир лекин,
Кузатиб турганлар асли қотилдир.

Шавкат Раҳмон