Тошкентда Yandex Go ҳайдовчиси Фарҳод Фаттоев кутилмаганда туғруқ жараёнига гувоҳ бўлди.

Унинг ҳомиладорликнинг сўнгги даврида бўлган йўловчисида тўлғоқ бошланди ва тўғридан-тўғри машинада туғуруқ жараёни юз берди. Фарҳод тезда вазиятни бартараф этиб, Йўл ҳаракати хавфсизлиги ходимлари ёрдами билан тирбандликлардан чиқиб, аёл ва чақалоқни хавфсизлик билан туғуруқхонага етказди. Фарҳод асли бухоролик, у катта ва аҳил оиланинг бошлиғи. У билан фахрланадиган турмуш ўртоғи ва беш нафар фарзанди бор.