Joriy yilning 6-fevral kuni Ixtisoslashtirilgan taʼlim muassasalari agentligi direktori Alisher Tahirovich Ubbiyev Shofirkon tuman ixtisoslashtirilgan maktabiga tashrif buyurdi. A. Ubbiyev tashrif davomida maktab bitiruvchilari bilan uchrashib, ularning bilim darajasi, kasb tanlovi va kelajak rejalari yuzasidan suhbat olib bordi.
Suhbat davomida bitiruvchilarning savollariga javob berar ekan, u agentlik tomonidan iqtidorli yoshlarni qoʻllab-quvvatlash, ularning ilmiy izlanishlarini ragʻbatlantirish bo‘yicha amalga oshirilayotgan ishlar haqida ham toʻxtalib oʻtdi.
Tashrif yakunida A. Ubbiyev maktab pedagoglariga va bitiruvchi oʻquvchilarga muvaffaqiyat tilab, ularning kelgusidagi faoliyatida katta yutuqlarga erishishlariga ishonch bildirdi.

📲Bizni ijtimoiy tarmoqlarda kuzatib boring 👇👇👇

Telegram|Facebook|Instagram