Har daqiqa umringdur uvol
Behuda topmoqda zavol.
Bezdirmadi nahot bu ahvol,
Internetda umring o'tmoqda.

Telegramda har turli chatlar
Seni o'z domiga tortmoqda,
Keraksiz va lahu suhbatlar
Internetda umring o'tmoqda.

Ilm, desa vaqting yo'q biroq,
Maftun etgan sotsial tarmoq.
Ayt bog'lanib qolding sen qandoq,
Internetda umring o'tmoqda.

Tuni bilan onlayn yurib,
Bo'lar-bo'lmas videolar ko'rib.
Kitobni ham bir chetga surib,
Internetda umring o'tmoqda.

Unutmagin, umr-g'animat,
So'ralamiz har ondan albat,
Topmasang-da hech bir manfaat,
Tarmoqlarda umring oʻtmoqda.

©Boburiy..

@Sheriyat