Hech kim yemagan somsasiga pul to'lamaydi!
Yaqinda DXX tizimlaridan nafaqaga chiqqan bir tanishimiz bilan bir joyda ko‘rishib qoldik. Yonimizda organga aloqasi yo‘q o‘rtoqlarimiz ham bor edi. Bunday paytlarda ularga qiziq bo‘lgani uchun, organga aloqasi yo‘q odamlar bizga kasbimizga doir turli savollar berishadi.
Eng e’tiborlisi, juda ko‘pchilik hollarda "yuqorining topshirig‘i bilan umuman aybi yo‘q odamni javobgar qilishga to‘g‘ri kelgan hollar bo‘lganmi" degan mazmundagi savol yangraydi ulardan.
Bu gal ham huddi shunday bo‘ldi. O‘sha savolga pensioner do‘stimizning javobi shu bo‘lgandi:
- Hech kim, hech qachon yemagan somasi uchun pul to‘lamaydi. Balki hozir pul to‘layotgan bo‘lishing mumkin, lekin somsani qachonlardan tekinga yegansan, pulini bo‘lsa, hozir to‘lashga majbur bo‘lyapsan! O‘sha somsa nima bo‘lganligini hech kim bilmasa ham, o‘zing yaxshi bilasan, og‘ayni!
——————————————————
Agar chuqur tafakkur qilib ko‘rsangiz, bu gaplarda juda katta ma’no va ibrat bor. O‘tmishingizda nimadir nojo‘ya harakatlar qilgansiz-u, o‘shanda buni hech kim bilmagan, deb o‘ylaysiz. Yo‘q, o‘shanda ham bundan talaygina insonlarning xabari bo‘lgan, faqat sizni javobgar qilish uchun dalil va isbotlar yetarli bo‘lmagan. Hozir bo‘lsa, arzimasdek tuyulgan dalillar bilan javobgar qilishmoqda. Yuridik jihatdan balki bu noto‘g‘ridir, ammo, qilmish - qidirmish.
Shu sabab, somsa yedingizmi, vaqtida to‘lang, bo‘lmasa, somsa yemang!
@sheralisher7