Sendan koʻngil uzsam,
Meni izlaysan.
Magar yoʻqlamasang,
Sogʻinaman men.
Jonim yonganida,
Nogoh muzlaysan -
Bahri Muzning abad
Holatiga teng.

Bizga teskarilik
Ne uchun ravo -
Endi  mutanosib
Yursak boʻlmasmi?
Taqdir qarshisida -
Yolgʻondan judo -
Koʻziga tik qarab
Tursak boʻlmasmi?

Diydor koʻrishaylik -
Tushlarimga kir.
Qoʻngʻiroq qilib tur,
Telefonxat yoz.
Toki men tirikman -
Yashagin, axir!
Men oʻlib ketsam ham,
Yasha... Iltimos...

https://t.me/shamollarda_qolganxislarim