Онам соғинчи

Дўстлар сизга дардимни айтай,
Кўп ўртандим, Кўп бор оғриндим.
Билмам қандай хумордан қайтай,
Онам ёпган нонни соғиндим.

Онам ёпган кулча нон ширин,
Унинг ўрнин ўзга босолмас.
Ўзга ёпса хумор босилмас,
Онам ёпган нонни соғиндим.

Эслатади болалигимни,
Соғинчида синдим, Соврилдим.
Эслатар гул лолалигимни,
Онам ёпган нонни соғиндим.

Сирли эди унинг тандири,
Оғушига мени бошларди.
Эх эсладим кўзим ёшланди,
Онам ёпган нонни соғиндим.

Қани умр ортга қайтсайди,
Яна Онам кулча ёпсайди.
Отабек зор хаёлим дайди,
Онам ёпган нонни соғиндим.

Ёшлигимдан ёдгор кулча нон,
Хайр ёшлик хайр Онажон.
Соғинчлари этди чалажон,
Онам ёпган нонни соғиндим.