SamDU Yoshlari | Safimizga chorlaymiz

​​#rasman #tezkor
🎓 Qishki taʼtil 24-yanvarga qadar davom etadi!

Oliy taʼlim tizimi tarixida ilk marotaba – rektorlar, prorektorlar, dekanlar va moliya masalalariga masʼullar uchun oʻz kasbiy mahoratini oshirish, yangicha tartibda ishlashni boshlash maqsadida joriy yil 10-24-yanvar kunlari amaliy seminar-treninglar tashkil etiladi.

Shu sababli 2021/2022-oʻquv yilining ikkinchi yarmi oliy
va professional taʼlim muassasalari, akademik litsey talaba-oʻquvchilari uchun qishqi taʼtil muddati 2022-yil 24-yanvarga qadar uzaytirildi.

Qishki taʼtil davrini mazmunli oʻtkazish maqsadida oliy taʼlim muassasalari rektorlari hamkorligida onlayn fan olimpiadalari, intellektual viktorinalar tashkil etiladi.

Talaba-oʻquvchilarga oʻz uylaridan taʼlim muassasalariga qaytishlariga qulay shart-sharoitlar yaratish maqsadida avia hamda temir yoʻl chiptalari tarif qismidan 50 foiz miqdorida chegirma berilishi muddati ham 2022-yilning 24-yanvariga qadar uzaytirildi.

Va asosiysi – 2022-yilning 11-yanvarigacha boʻlgan muddatga xarid qilingan avia va temir yoʻl chiptalari bepul tarzda tegishli muddatga almashtirib beriladi.

Mazkur masalalarni muvofiqlashtirish maqsadida Vazirlikda Maxsus shtab tashkil etilgan boʻlib, barcha tashkiliy masalalar yuzasidan quyidagi ishonch telefonlariga (10-06, 71-246-97-45, 71-246-28-63) murojaat qilishingiz mumkin!
T.me/Samduyoshlari

⚡️2022–2026-yillarga mo‘ljallangan taraqqiyot strategiyasiga ko‘ra:

• Har bir hududda oliy ta’limga bo‘lgan ehtiyojdan kelib chiqib, kamida 1 tadan nodavlat oliy ta’lim tashkilotini tashkil etish;

• 2022-yilda Navoiy, Samarqand, Surxondaryo, Qashqadaryo viloyatlari va Toshkent shahrida kamida 1 tadan nodavlat oliy ta’lim tashkilotini tashkil etish orqali ularning jami sonini 34 taga yetkazish;

• Qoraqalpog‘iston Respublikasida 5 ta nufuzli mahalliy va xorijiy oliygohlarning filiallarini hamda Toshkent viloyatida 5 ming nafar talabaga mo‘ljallangan Nurafshon davlat universitetini tashkil etish;

• Andijon viloyatida 4 ta xususiy oliygoh tashkil etish. Natijada hududdagi yoshlarni oliy ta’lim bilan qamrovini 23 foizdan 50 foizga yetkazish;

• Namanganda kelgusi 5 yilda 7 ta oliygoh tashkil etib, jami oliy o‘quv yurtlari soni 10 taga yetkazish;

• Samarqand shahrida 20 ming nafar talabaga mo‘ljallangan “Yoshlar shaharchasi”ni barpo etib, unda kamida 4 ta xorijiy universitetning filial va kampuslarini joylashtirish. Xorijiy davlatlarning yetakchi texnika universiteti bilan birgalikda Samarqand texnologiya universitetini tashkil etish;

• 2026-yilga qadar respublika hududlarida kamida 1 tadan nodavlat oliy ta’lim tashkilotlarini tashkil etish orqali ularning sonini 50 taga yetkazish ko‘zda tutilmoqda.


T.me/Samduyoshlari

Endi qogʼoz jurnal, reyting daftarcha boʼlmaydi, talaba guvohnomasi ID kartaga almashtiriladi

Oliy va oʼrta maxsus taʼlim vaziri Аbduqodir Toshqulov shanba kuni boʼlib oʼtgan videoselektor yigʼilishida asosiy eʼtiborni oliy taʼlim tizimini raqamlashtirish masalasiga qaratdi.

«Bugundan rektorlar kirishishi kerak, Oʼzbekiston oliy taʼlim tizimida jurnal, reyting daftarcha qogʼoz koʼrinishda boʼlmaydi. Talaba guvohnomasini ham ID kartaga oʼtkazish va unda barcha maʼlumotlar saqlanishi boʼyicha byudjet loyihasi oʼtdi. Bu ham muhokamada hozir», — dedi Аbduqodir Toshqulov.

Vazirning soʼzlariga koʼra, endi har bir fakulьtetga kirganda koʼzga tashlanib turuvchi, A1 va А2 formatdagi oʼquv prorektori tasdiqlagan dars jadvali — bu koʼrsatkich emas.

«Vazir, masʼullar borganida talabaning qoʼlidan smartfonini olib, uni ilovada koʼrsatib berishi, dars jadvali uning telefonida boʼlishi kerak», — dedi u.

Vazir shuningdek, xorijlik hamkasblari oldida hijolat boʼlayotganini, chet ellik hamkasblari oldida — buni endi joriy qilayapmiz deyishga uyalayotganini ham taʼkidlagan.

«Bu 10−15 yil oldin Yevropa, Gʼarbda, Sharqda qilingan narsa. Lekin hechdan koʼra kech», — degan u.


©xushnudbek

T.me/Samduyoshlari

📌 "Quvnoqlar va zukkolar" ko‘rik tanlovining 2021-yilgi mavsum fakultetlararo saralash bosqichi bellashuvi 2 kun mobaynida, ya'ni 15-16-noyabr kunlari o‘tkazilishi belgilandi. Jamoalar belgilangan tartibdagi jamoalar kesimida ko‘rik-tanlovda ishtirok etishlari mumkin.

Unga ko‘ra 15-noyabr kuni:
1. "Legenda" - Psixologiya va ijtimoiy munosabat fakulteti;
2. "Dinamid" - Kimyo fakulteti;
3. "Smile" - Agrobiotexnologiyalar va oziq-ovqat xavfsizligi fakulteti;
4. "BioKing" - Biologiya fakulteti;
5. "Algoritm" - Raqamli texnologiyalar fakulteti;
6. "Milliy" - Maktabgacha va boshlang‘ich ta'lim fakulteti;

16-noyabr kuni:
1. "Aristokratlar" - Tarix fakulteti;
2. Yoshlar ittifoqi "BMS" jamoasi;
3. "Scorpion" - Jismoniy madaniyat fakulteti;
4. "Everest" - Geografiya va ekologiya fakulteti;
5. "Boyvachcha" - Inson resurslarini boshqarish fakulteti jamoalari bellashadi

T.me/Samduyoshlari

​#BILASIZMI

❓“Universitet” va “institut” oʻrtasidagi farqlar nimalardan iborat?

🔰 Talaba yoshlarimiz orasida “universitet” 🆚 “institut” oʻrtasida nima farq bor degan savollar koʻp uchraydi. Hozirgi kunga qadar quyidagi xalqaro amaliyot asrlar davomida shakllangan…

🏛 Universitet bir nechta yo‘nalishlar bo‘yicha kadrlar tayyorlaydigan oliy o‘quv yurti sanaladi. Ayrim mamlakatlarda, kamida 7 ta yoʻnalish boʻlishi kerak.

🏢 Institut esa maʼlum bir taʼlim yoʻnalishiga ixtisoslashgan oliy oʻquv yurtidir.

❇️ “Universitet” tushunchasi “institut” tushunchasidan koʻra kengroq. Ta’lim imkoniyatlari va oʻquv kurslari jihatidan dunyoning barcha mamlakatlarida universitet eng yuqori taʼlim muassasasi hisoblanadi.

✅ Universitet ilmiy faoliyat bilan shugʻullanadi.

✔️ Gʻarb mamlakatlarida odatda institutlar universitet tarkibida boʻladi. Universitetlar institutlarga qaraganda kengroq akademik, moliyaviy va boshqaruv mustaqilligiga ega.

🌐 Shuni e’tiborga olish zarurki, zamonaviy dunyoda ish beruvchilarning aksariyati universitet va institut oʻrtasidagi farqlarga ahamiyat berishmaydi. Eng muhim omil – bu bitiruvchi tomonidan oʻzlashtirilgan bilim va koʻnikmalar, samara va ishga ishtiyoq.
Ⓜ️ Sardor Usmanov

T.me/Samduyoshlari