#jarayon #targʻibot #turizm #Malayziya

Prezident tashrifi arafasida Malayziyada O‘zbekistonning turizm salohiyati va madaniy merosi taqdimotlari o‘tkazilmoqda

Xabar berilganidek, Prezident Shavkat Mirziyoyev 4–5-fevral kunlari rasmiy tashrif bilan Malayziyada bo‘ladi.

Ushbu tashrif doirasida mamlakatimizning boy tarixi va turizm salohiyatini namoyish etish hamda 2025-yilda YUNESKO Bosh konferensiyasining 43-sessiyasi Samarqand shahrida o‘tkazilishiga bag‘ishlangan targ‘ibot tadbirlari boshlandi.

Ushbu madaniy-ma’rifiy tadbirlarda O‘zbekiston oliy ta’lim muassasalari vakillari sessiyaning ahamiyati, uning jahon hamjamiyati uchun ilmiy va madaniy nuqtayi nazardan tutgan o‘rni hamda global hamkorlikni mustahkamlashdagi hissasi haqida taqdimotlar o‘tkazmoqda.

Shuningdek, O‘zbekistonning boy madaniy merosi, turizm imkoniyatlari va zamonaviy rivojlanish yo‘lida amalga oshirilayotgan islohotlar haqida keng ma’lumotlar taqdim etilmoqda.

Ma’lumot uchun, 4-fevral kuni O‘zbekiston-Malayziya birinchi ta’lim forumi ham o‘tkazilishi rejalashtirilgan. Forum natijasida ikki davlat universitetlari o‘rtasida hamkorlik shartnomalari imzolanishi kutilmoqda.

Bizni kuzating

Facebook | Instagram | YouTube | Telegram