Raykhona bilan🌹

#tafakkur

Bugun g’iybat haqida yozmoqchiman. Biz ayollarga tekkan kasallik bu. Bilib bilmay xatto qalbimizda ham g’iybat qilib qo’yamiz. Ijtimoiy tarmoqdagi g’iybat-tuxmatlarniku yozmay qo’yaqolay. Biz ko’zimiz bilan ko’rmagan, qo’limiz bilan ushlamagan insonlar haqida har nima yozamiz. Bilasizmi shuni minglab odam o’qiydi va har bir o’qigan obunachi uchun bizga gunoh bor. Chunki biz sababchi bo’lyapmiz. G’iybat yomon balo, agar biz bir fitnani boshlab qo’ysak, nomai amalimiz yopilgan bo’lsada(o’lgan bo’lsakda) biz boshlagan g’iybat yoki tuxmat gunohi yozilib turaverarkan, toki osha mavu yopilmaguncha. Tasavvur qilyapsizmi, qabrda azoblanyapsiz, birodaringizni go’shtini yeganingiz uchun, oradan bir qancha vaqt o’tdi lekin hamon kimdur siz boshlagan tuxmat yo g’iybatni davom ettirmoqda, to bu holat yakunlanmaguncha siz qayta-qayta har kun azoblanaverasiz. Bu hammasi emas, qiyomat kuni…misqollab yeg’gan savoblaringizni hisob qilayotgan paytingiz, qancha mashaqqat bilan olgan savoblaringizni hisoblayotganingizda sizdan shunchaki birodaringizni bilib bilmay gapirib qo’yganingiz uchun savoblaringiz olib qo’yiladi. Qancha g’iybat qilingan bo’lsa shuncha. Eng alamlisi ham shu, balki endi jannatga yaqinlashganingizda, do’zaxga sudralarsiz Alloh asrasin. Siz eng yomon ko’rgan, bu dunyoda nafratlangan insonga savoblarni berishni xoxlarmidingiz?

Unda nega haliyam qaynona, qaynota, ovsin, qoshni, xola, amma va boshqalarni gapirishda davom etyapsiz? Togri ular sizga zulm qilgandir, lekin qiyomatda sizni haqingiz olib berilishi bu nafsingizni tinchlantrmayaptimi? Axir hayvonlar haqi bir biridan olib beriladiku, eng suygan quli insonni haqi qolib ketarmidi. Siz ularni kechiring Alloh uchun. Qanchalik sizni qalbingizni og’ritmasin kechiring. Axir Alloh kechirimlilar tomondaku. Siz bilmaysiz siz yomon korgan odam Allohga qanchalik yaqin ekanligini.

Imkon bo’lsa, shu kungacha bilib bilmay g’iybat qilgan insonlaringizdan uzur so’rab qo’ying, ertaga yo nafasingiz to’xtasa, yo quyosh teskari tomondan chiqib qolsa tavba qilishga kech bo’ladi. U inson tirik bo’lsa albatta uzur so’rab qo’ying, togri nafs bunga qarshi chiqadi. Uni yengish uchun ham shu ishni qiling. Ishonavering, siz g’oliblar tomonda bo’lasiz.

Imkon bo’lmasa, hech bo’lmasa osha inson nomidan sadaqa qiling. Bir o’ylab chiqsangiz, balki butun umr yeqqan pulingizni sadaqa qilishga to’g’ri kelib qolar, bilib bilmay g’iybat qilgan odamlar ko’pligidan…Alloh asrasin…Lekin albatta tavba qiling, Allohga qayting, zero shundoq ham ko’p vaqtimiz qolmadi…

https://t.me/+99W2ZtgkjpcyN2Ni