Руҳий баркамоллик

🪐Hohlagan raqamingzni tanlang va qanday inson ekanligingzni bilib oling🪐

​​​​...Ким ва нима қандайлиги беш
ҳолатда билинади...
1. Дарахт ~ меваси пишганда;
2. Аёл ~ эри камбағаллашиб қолганида;
3. Ростгўй киши ~ қийинчилик вақтида;
4. Мўмин ~ синов келганида;
5. Сахий ~ унга одамларнинг ҳожати
тушганида….

... Беш нарса беш нарсага сабаб
бўлади:
1. Кўзни ҳаромдан тиймаслик ~ зинога;
2. Тамаъгир бўлиш ~ пушаймонликка;
3. Қаноат ~ Аллоҳнинг тақдиридан рози
бўлишга;
4. Кўп сафар қилиш ~ маърифат~илмга;
5. Ҳаддан ортиқ тортишиш ~ хусумат,
адоватга.…

... Беш нарса беш нарсани олиб
келади:
1. Истиғфор ~ ризқни;
2. Кўзни ҳаромдан тийиш ~ фаросатни
(бошқалар тушунмаган нарсаларни
англаб етиш);
3. Ҳаё ~ яхшиликни;
4. Юмшоқ гапириш ~ эҳтиёжларини
битиришни;
5. Ғазаб ~ пушаймонликни.…

...Беш нарса беш нарсадан сақлайди:
1. Мулойимлик ~ ғазабдан;
2. Аллоҳдан паноҳ сўраш ~ шайтоннинг
ёмонлигидан;
3. Шошилмаслик ~ пушаймонликдан;
4. Тилни тийиш ~ хатодан;
5. Дуо ~ қадардаги ёмонликдан.…

... Беш кишининг борлиги бахтдир:
1. Ота~онасига яхшилик қилувчи
фарзанд;
2. Солиҳа рафиқа;
3. Вафодор дўст;
4. Мўмин қўшни;
5. Фақиҳ олим.…

... Беш нарса беш нарса билан
катталашади:
1. Гулхан ~ ўтин билан;
2. Шубҳа ~ гумон билан;
3. Қўполлик ~ ёмон муомала билан;
4. Хусумат ~ хатоларни ўзаро кечириб
юбормаслик билан;
5. Яқинлар ўртасидаги алоқаларнинг
узилиши, ҳол~аҳвол сўраб турмаслик
билан.…

.... Беш нарса беш нарса билан ёқимли
бўлади:
1. Соғлиқ ~ яхши ҳаёт билан;
2. Сафар ~ яхши ҳамроҳ билан;
3. Чирой ~ гўзал хулқ билан;
4. Уйқу ~ хотиржамлик билан;
5. Тун ~ Аллоҳнинг зикри билан

РУҲИЙ БАРКАМОЛЛИК

​#эслатма

• Сени ҳар доим мақтадиган кишилардан узоқ юр! Чунки ҳаётда доим мақтовга лойиқ инсоннинг ўзи бўлмайди. Аслида уларнинг сенда манфаати бор-ки, мақташмоқда. Манфаатлари тугаган куни эса сени қарғашни бошлашади.

• Сени ҳар доим ёмонлайдиган кишилардан ҳам узоқ юр! Чунки ҳаётда доим ёмонликка лойиқ бўлавермайсан. Аслида уларнинг сенга нисбатан ҳасадлари бор-ки, фақат ёмонламоқдалар. Улар имкон топган кунлариёқ ҳар қандай фазилатинга қарамай сенга зарар етказишади.

• Қўрқоқ ва журъатсиз кишилардан ҳам эҳтиёт бўл! Улар душмандан калтак еяётган пайтида сендан фидокорлик исташади. Мабодо душман ғолиб келиб, энди сен калтак есанг безрайганча юзинга қараб:
- Ўзингдан ўтди-да ахир, нима қилардинг чуқурлашиб?!- дейди. Ўша пайтда душманнинг калтагидан кўра унинг шу гапи сенга оғир ботади.

• Ҳаётингда хатоларингни самимий эслатадиган, яхшиликларинг учун қувониб, ғоибона дуо қиладиган, сени оғир кунларингда ҳам ҳеч қачон тарк этмайдиган, буюк даъво учун фидоий бўла оладиган дўст учратсанг, ишонки, нақадар бебаҳо неъматга эришибсан!
• Бу бахтни қўлдан бой берма!
• Зотан бу каби дўстлар тарихда Пайғамбарларга насиб этган ва уларга эса то қиёматга қадар Аллоҳнинг розилиги бўлсин, дейилади.

Алий То Ҳа Ҳузайфа

РУҲИЙ БАРКАМОЛЛИК

❕❕❕❕❕❕❕❕❕ Batafsil

​​Онанинг сўнгги илтимоси...

   Дунёнинг ишлари доим шошилинч. Одатдагидек тик турганча нонушта қилаётган эдим. Онам одатдагидек қистарди:
   — Ўтирсанг-чи, болам. Бирпас ўтиргин.
   — Бўлди, кетдим.
   — Шошма, болам. — Онам кўзимга одатдагидан бошқача, қандайдир мунг билан термилди. — Гап бор.
   Типирчилаб соатга қарадим: ҳали бензин олиш керак, ишга бориш керак, кейин нашриётга ўтиш...
   — Нима эди?
   Онам кўзимга ҳамон маъюс термилиб ўтирарди.
   — Суратга тушайлик, — деди тўсатдан.
   Ажабландим.
   — Нега?
   — Яқинда мен ўламан.
   Онам бу гапни худди: “Қўшниникига чиқиб келаман”, дегандек оҳангда айтди. Кулиб юбордим.
   — Қўйсангиз-чи, ойи.
   Шундай дедим-да, чиқдим кетдим.
   Орадан икки ҳафта ўтдию... Кечалари уйғониб кетаман, ўйлайман. Ўйлайман: сен номард, сен ахмоқ нимага, нимага ўшанда кулдинг? Суратга тушишга вақтинг йўқмиди? Керак бўлса топасан-ку! Китоб учун, журнал учун, иш устида, боғда, кўчада...   Нима, сен киноюлдузмисан? Жаҳоншумул шахсмисан? Ана, бир даста суратинг ётибди. Ҳар хил. Ҳар ерда... Фақат... Онанг билан тушган суратинг йўқ!

"Дунёнинг ишлари" китобидан

РУҲИЙ БАРКАМОЛЛИК