Respublika tez tibbiy yordam markazi hududiy filiallar rahbarlari bilan 2024-yil sarhisobi va joriy yil rejalari muhokama qilindi

Joriy yilning 11-fevral kuni Respublika tez tibbiy yordam markazida (Markaz) 2024-yil sarhisobi, amalga oshirilgan ishlar hamda joriy yilning ish rejalari, tizimli muammolar va ularning yechimlari borasida Markaz rahbariyati hududiy filiallar direktorlari bilan muhokama boʻlib oʻtdi.

Maʼlumki, Oʻzbekiston Respublikasi Prezidentining 2024-yil 5-sentabrdagi “Davlat tibbiy sugʻurtasi mexanizmlarini joriy etishga oid chora-tadbirlar toʻgʻrisida”gi PQ-311-son qarori qabul qilinib, aholiga koʻrsatilayotgan tibbiy xizmatlar sifatini oshirish, sogʻliqni saqlash tizimida amalga oshirilayotgan islohotlarni izchil davom ettirish, byudjet mablagʻlaridan samarali foydalanish hamda davlat tibbiy sugʻurtasi mexanizmlarini respublikaning hududlarida joriy qilish boʻyicha ishlar amalga oshirish belgilangan.

Mazkur qaror ijrosi hamda davlat tibbiy sugʻurtasi mexanizmlarini joriy etish boʻyicha ham yigʻilishning asosiy masalasi boʻldi.

Hududiy filiallar rahbarlariga ushbu qaror mazmun-mohiyati hamda davlat tibbiy sugʻurtasi mexanizmlarini joriy etish yoʻllari toʻgʻrisida Markaz mutaxassislari tomonidan batafsil maʼlumot berishdi.

Shuningdek, Markaz rahbari tomonidan 2025-yilda ustuvor vazifalar belgilandi.

✅ TELEGRAM ✅ FACEBOOK
🌐 INSTAGRAM 📹 YOUTUBE