Assalomu alaykum, hurmatli ota-onalar! Aziz o'quvchilar!

Bizda siz uchun ajoyib yangilik bor! demak, kutib oling: kelayotgan 2022-2023-yil o'quv mavsumida bizda Registon Litseyi ochilmoqda! Registon Ta'lim Loyihasi o'zining navbatdagi qadamini tashlayotganidan xabaringiz bor: ayni damda Registon School uchun qabul shiddatli davom etmoqda. Buning davomi sifatida Registon Litseyi filiallari ochilmoqda. Shulardan biri sifatida Mirzo Ulug'bek tumanida ham Registon Litseyi Mirzo Ulug'bek filialini ochmoqdamiz. Litseyga 8-9-10-sinf bitiruvchilari olinadi. Biz quyidagi sabablarga ko'ra litsey ochishga qaror qildik:

👉 O'quv markazimizda darslar asosan kunning ikkinchi yarmida, maktab darslaridan keyin bo'lar edi. Ko'pchilik o'quvchilarimiz markazga charchagan holatda kelishlari, diqqatini jamlash uchun ozroq vaqt ketishi bor gap edi. Litseyda esa maqsadi va yo'nalishi umumiy bo'lgan yoshlar tahsil olishadi va darslar tugaganidan keyin, 15-20 minutlik tanaffusdan keyin, darhol qo'shimcha darslarga sho'ng'ishadi.

👉 Litseyda sinflar aynan bir yo'nalishga ixtisoslashgan bo'ladi. Tabiiy fanlar yo'nalishida kimyo va biologiya fanlari, iqtisod yo'nalishida matematika va ingliz tili fanlari, ijtimoiy-gumanitar yo'nalishda asosan tillar va ijtimoiy fanlar chuqurlashtirib, soatlari ko'paytirilib o'tiladi.

👉 O'quvchilar umuman nazoratsiz qoldirilmaydi. Odatiy maktablarimizda hamma o'quvchilar ham maktabdan keyingi oliy ta'limni davom ettirishni o'ylashmaydi. Bu albatta normal holat, kimdir boshqa kasb-hunarlarni egallagisi keladi. Bu albatta darsning muhitiga o'z ta'sirini ko'rsatadi. Ustozlar ham doimiy "tonus"da, qiziqish doiralari turlicha bo'lgan bolalarni qiziqtirish uchun darsning asosiy vaqtini ketkizib qo'yishadi. Litseyda esa, o'quvchilar aynan yo'nalishlar bo'yicha tanlab olingani uchun, bunday muammolar uchramaydi. Urush-janjallarga esa umuman yo'l qo'yilmaydi.

👉 Listeydagi darslar soat 9:00 dan boshlanib, kechki soat 18:00 gacha davom etadi. Doimiy o'quv muhiti o'quvchilarning refleksiga aylanib qoladi va oliy ta'limda ham o'z ustida ishlash funksiyasini yo'qotib qo'ymaydilar. Yaqin o'tmishdagi litsey-internatlar tajribasi bunda yaqqol misol bo'la oladi.

👉 O'quvchilarning choraklikdagi yozma ishlari, yillik imtihonlari haqiqiy imtihonga aylanadi. Mahalliy oliygohlarimizda, horijiy oliygohlar bilan qo'shma loyihalarimizda qanday imtihon muhiti bo'lsa, litseyda ham xuddi shunday raqobat muhitida choraklik imtihonlari bo'lib o'tadi.

👉 Va asosiysi, ustozlarimiz bu sohadan o'nlab yillardan beri ishlamoqdalar. Maktabdan keyingi, tadbirlardan keyingi vaqtda ham o'quvchilar bilan ham bilim tarafidan, ham psixologik tarafdan ishlab shuncha natijalar olib kelayotgan edilar. Endilikda o'quvchilar bilan uzzu-kun, to'liq shug'ullangan paytlardagi natijalarni tasavvur qilib ko'ring-a? Biz raqobatbardosh emas, raqobatdosh kadrlarni aynan shunday muhitda tayyorlashga kafolat bera olamiz.

👉 Demak, ham maktab ta'limini, ham maxsus ta'limni o'zida birlashtirgan loyiha - Registon Litseyi loyihasiga start berdik! Endi siz bizdan bilim bilan birgalikda shahodatnoma ham olib, kelajak hayotingizga yana kuchliroq holatda tayyor bo'lasiz!

Agar savollar bo'lsa, marhamat, Registon Mirzo Ulug'bek filiali direktorining shaxsiy akkountuga murojaat qilishingiz mumkin:
👉 @asadullo_ozodov

Bot orqali hujjat topshirish:
❇️ @Litsey_qabulbot

👨‍💻 Ma'muriyatga bog'lanish

📞 +998940032700

🏢 Manzil: Toshkent shahar, Mirzo Ulug'bek tumani, Mustaqillik ko'chasi, 105-uy

🌐 Telegram | Instagram | Facebook