Firibgarlar yangi Qlqoidalar topmoqda: Temu nomidan chuv tushirish yuzasidan ogohlantirish(tahliliy maqola)

Bugungi kunda firibgarlikning yangi shakllari odamlarni aldashda tobora keng tarqalmoqda. Yaqinda Temu platformasi nomidan odamlarni iPhone yutib oldingiz deb chuv tushirish holatlari ko'paydi. Bu usul orqali firibgarlar odamlarni moliyaviy muammolar girdobiga tushirib, ularga zarar yetkazmoqda.

Firibgarlikning mexanizmi

Firibgarlar telefon orqali yoki yozma xabar orqali bog‘lanib, o‘zlarini Temu vakili sifatida tanishtirishadi. Ular siz iPhone yutib oldingiz, deb sizga soxta xabar yetkazadi va yutug‘ingizni olish uchun pasport ma’lumotlaringizni taqdim etishingizni talab qiladi. Agar ushbu ma’lumotlar ularga topshirilsa, ular bu ma’lumotlardan foydalanib, sizning nomingizga kredit rasmiylashtirishi mumkin. Bu esa katta moliyaviy yo‘qotishlarga olib keladi.

Nima uchun bu juda xavfli?

Shaxsiy ma’lumotlarning firibgarlar qo‘liga tushishi: Firibgarlar pasport ma’lumotlaringizni qo‘lga kiritgach, moliyaviy tashkilotlarda turli operatsiyalarni amalga oshirishadi.

Qarzga botish: Sizdan ruxsatsiz kreditlar olinib, qarzdorlik yukini oshirishadi.

Haqiqiy manbalarga bo‘lgan ishonchning pasayishi

Ushbu hodisalar sababli Temu kabi platformalar va boshqa qonuniy kompaniyalarga bo‘lgan ishonch susayadi.

Ogohlik va himoyalanish yo'llar

1. Shaxsiy ma’lumotlaringizni hech kimga taqdim etmang: Pasport ma’lumotlari, telefon raqamlari va boshqa shaxsiy ma’lumotlarni begona shaxslarga berishdan saqlaning.

2. Firibgarlik xabarlari haqida ma’lumot bering

Do‘stlaringiz va oilangizni bunday firibgarliklar haqida ogohlantiring.

3. Rasmiy manbalargagina ishoning

Temu yoki boshqa kompaniyalardan olingan xabarlar rasmiy veb-saytlar yoki ilovalar orqali tekshirilishi lozim.

4. Xabar bering

Agar sizga shubhali qo‘ng‘iroq yoki xabar kelib tushsa, darhol bu haqida huquqni muhofaza qiluvchi organlarga xabar bering.

Xulosa

Firibgarlikning bu turi, odamlarning ehtiyotsizligidan foydalanib, ularga katta zarar yetkazishga qaratilgan. Odamlar o‘z ma’lumotlarini himoya qilishlari va bunday holatlarga qarshi hushyor bo‘lishlari kerak. Yaqinlaringizni ogohlantiring va bu kabi holatlarga qarshi kurashishda faol ishtirok eting.

📱 Obuna bo‘ling: @RAZBreaking