DADAJONIM OMON BO‘LSA BAS

Duo qilar men uchun doim,
Qizim, deya soʻzlar muloyim,
Uzoq umr bergin Xudoyim,
Dadajonim omon bo'lsa bas,
Menga mol-u dunyo kerakmas.

Duodalar ham kecha-kunduz,
Ular uchun qizchaman hanuz,
Osmonimda porlagan yulduz,
Dadajonim omon bo'lsa bas,
Menga mol- u dunyo kerakmas.

Kiyintirar, kam boʻlma, deya,
Ovqat tutar, oʻzi non yeya,
Doʻstim, soʻzim bir tinglab qoʻy-a,
Dadajonim omon bo'lsa bas,
Menga mol-u dunyo kerakmas.

Qaratmaydi birov qoʻliga,
Gʻam solmaydi oʻzga diliga,
Men ham yaray har bir kuniga,
Dadajonim omon bo'lsa bas,
Menga mol-u dunyo kerakmas.

Betob boʻlsam, boshimda panoh,
Mening uchun sodda, begunoh,
O‘zginangdan soʻrayman, Alloh ,
Dadajonim omon bo'lsa bas,
Menga mol-u dunyo kerakmas.


https://t.me/rayxona_baxtiyorovna05

Muallif ruxsatisiz foydalanilmasin