Búgin, Qaraózek rayonlıq mektepke shekemgi hám mektep bilimlendiriw bólimine qaraslı 15-sanlı mektepke shekemgi bilimlendiriw shólkeminde "Analar kúni" temasında ashıq shınıǵıw bolıp, bunda úlken topar tárbiyashısı T.Utalieva hám mektepke tayarlaw topar tárbiyashısı G.Turganbekovalar seminardı qızıqlı metodlardan paydalanıp ótti.

Til ósiriw orayında tárbiyalanıwshılar Analar bayramına arnalǵan taqmaqlar menen bayıtıp bardı. Shólkem psixologı qatnasıwshı pedagoglar menen seminar trening ótkerdi. Seminar sońında shólkem tárbiyalanıwshıları Analar kúnine baǵıshlanǵan qosıq hám taqmaqlar menen dawam ettirdi.

Seminar juwmaǵında qatnasıwshılardıń pikir-usınısları tıńlandı hám aldaǵı wazıypalar belgilep alındı.