Yangi yil yaqinlashgani sayin Qamashi tumanida bayram shukuhi tobora sezilmoqda. Bu yil Qamashi tumani Yoshlar ishlari bo‘limi hamda mahallalardagi yoshlar yetakchilari tomonidan qator xayrli ishlar amalga oshirildi.

Yangi yil bayrami munosabati bilan mahalladagi yoshlarga esdalik sovg‘alari ulashildi. Har bir yoshga o‘zgacha e’tibor va quvonch ulashgan ushbu tadbir nafaqat yoshlarda, balki barcha mahalla ahlida iliq taassurot qoldirdi.

Keksalar bunday saxovatli va ezgu ishlar uchun duolar qilib, bayram tuyg‘usini yanada ko‘tarinki qilishdi. Mahalla ko‘chalarida samimiy tabassumlar va quvonchning aks-sadosi yangrab turdi.

Bu kabi tashabbuslar Qamashi tumanida nafaqat yangi yilni, balki mehr-oqibat va birdamlik ruhini ham taratishda muhim ahamiyat kasb etadi.