🌺Besh Qadam🌺 Ayollar Klubi

Nega ta'limotlar har xil va bir biriga zid bo'lsa ham, ularni hammasi ishlaydi?

So'ngi paytlarda o'zbek xalqiga juda ko'plab yangicha ta'limotlar kirib kelmoqda. Avvaliga ularni islomga qarshi deb, islom va o'sha ta'limotlar tarafdorlari o'rtasida baxslar paydo boʻldi. Bugun esa, yangicha ta'limotlarning turlari shu qadar koʻpaydiki, endi ularning har birining tarafdorlari bir birlari bilan o'zaro baxslarga kirishishgan.

Hayotning asl haqiqatlarini anglash maqsadida ta'limotlarning deyarli har birini sinchiklab o'rganishga va ularga ishongan odamlar qanday natijalarga erishyotganini kuzatishga intilaman.
Meni ajablantirgan narsa shuki, ta'limotlarning deyarli hammasi qaysidir odamlarga manfaat bermoqda edi. Axr ularning bir birlariga zid taraflari ko'pku, nega alal-oqibat hammasi foydali bo'lib chiqmoqda?

Keyinchalik inson ongi, tanasi va ruhi, hamda ularga ta'sir etuvchi ko'plab energiya qatlamlari haqidagi ilmlarni o'rganib, har bir ta'limotlar qanday paydo boʻlishiyu, kimlarga ko'proq manfaat keltirishini kengroq anglay boshladim.
Gap shundaki, bir qarashda bir biriga zid ta'limotlarning hammasi ishlashining sababi, insonlarni turli ong darajalarida ekan. Ya'ni sizning ongingiz qaysi darajada bo'lsa, o'sha daraja energiyalariga mos ta'limotlar sizning hayotingizni go'zallashtirib beradi ekan.
Sizdan boshqacha ongdagi insonga esa, sizning ta'limot baxt bermaydi. Chunki uning ongiga mos baxt energiyasini beruvchi ta'limot boshqa.

Bunday ong darajalarini shakillantiruvchi kuchlarni insonga ta'sirini, chakralarni to'liq tushunganimda angladim. Gap shundaki, insonning yettita energiya markazlari (chakralar) uning ruhiga berilgan ilohiy quvvatni chakralar orqali moddiy dunyoga oʻtkazadi va moddiy olamdan oladigan natijaraning quvvatini ham yana chakralar orqali ruhiy energiyaga aylantirib insonni yana ruhlantiradi ekan.

Inson ongi qaysi darajada bo'lsa, ya'ni u uchun bu olamda nima eng muhimi bo'lsa, u shunga erishtiruvchi chakra orqali ilohiy energiyasining asosiy qismini sarflaydi. Natijada qachonki, unga, bu sarflagan quvvatiga munosib natija kelsa, bu yutuqni energiyasini o'sha chakra orqali qayta qabul qiladi, shunda o'sha chakraga masul bo'lgan gormonlar faollashadi va inson o'zida baxtni his eta boshlaydi. Qachonki kutuvlari va sarflagan ilohiy quvvatiga munosib natija kelmasa, unda bu chakraga bogʻliq stresslar paydo bo'ladi. Va inson tushkunlik va baxsizlikni boshdan kechiradi.

Endi ta'limotlarning farqalanishiga kelsak:
Alloh yer sayyorasini yaratgan va uni tizimli ishlashi uchun yuzlab yuqori kuchlarni javobgar qilib qo'ygan. Ular yerdagi o'z vazifasini yaxshi bajarish uchun, sayyorada yashovchi mavjudotlar ongiga ta'sir etgan holda, ularga o'zi istagan ishni qildirish maqsadida intuitiv signallar berib, hayot haqidagi tushunchalarini shakillantiradilar.
Inson ongi qaysi darajada bo'lsa, shunga mos chakra orqali quvvat sariflashini angladik.
O'sha yeriy kuchlar ham aynan o'z energiyasiga mos chakrasi ochiq inson ongiga ta'sir eta oladilar. Ularning maqsadi o'zi uchun iloji boricha koʻproq insonlar energiyasini sarflashga erishishdir.

Yuqorida moddiy dunyodan energiya qaytsa, insonda baxt gormonlar faollashishini bildik.
Ayon bo'ldiki, yuqori kuchular shu chakralar orqali his etiluvchi baxt garmonlari bilan, sizga "aynan shunday yashashda davom et" degandek hayotiy baxt haqidagi o'z illyuziyasini ongingizga singdirishadi va sizni shu ongda ushlab turishga intilishadi.

Agar bir inson o'zini boshqarayotgan kuchlar orqali hayotda nimagadir erishsa, "demak baxt shunday yashashda ekan" degan xulosaga keladi va bunday yashash tarzini boshqalarga ham o'rgatishga intiladi. Bu esa, kengayib va takomillashib alohida ta'limotga aylanadi.

Balki, endi anglagandirsiz? Har bir inson ongini alohida yuqori kuchlar boshqaradi deb aytganlarimni?
Biz boshqalarga berayotgan ilmlar va hayot haqidagi tavsiyalarimiz aslida bizniki emas, yerga bogʻliq kuchlardan kelgan intuitiv signallar orqali olingan dasturlardir!