Italiyada kasal bo‘lish taqiqlandi

Belkastroda yashovchi odamlarga shoshilinch tibbiy xizmatni talab etadigan har qanday kasallikni yuqtirmaslik buyurilgan. Bu haqda mahalliy mer Antonio Torchiya ma'lum qilgan.

"Belkastrodagi 1200 nafar aholining qariyb yarmi 65 yoshdan oshgan. Eng yaqin Avariyalar va favqulodda vaziyatlar bo'limi esa 45 km uzoqlikda joylashgan", — dedi mer.

Torchiyaning o'zi ushbu qaror orqali mahalliy sog'liqni saqlash tizimining kamchiliklarini tanqid qilish uchun mintaqaviy hokimiyatlarga ta'sir ko'rsatish maqsad qilinganini aytgan.

Ma'lumot uchun: Belkastro qishlog'i Italiyaning eng kambag'al hududlaridan biri bo'lgan janubiy Kalabriya mintaqasida joylashgan.

Sayt | Telegram | Facebook | Youtube | Instagram | X | Aloqa