ҚОСИМОВ!

Йигирманчи аср, етмишинчи йил
Худо бир гўдакни берди онага:
Миржалол футболга кирганда келиб,
Уни қиёслашди Марадонага.

Юртим спортининг таянч, маёғи
Охир қабул қилди буюк имтиёз:
Ўзбек футболчиси бундан буёғи
Энди Миржалолга қилинар қиёс.

Гарринча, Пелени унутиб бўлмас,
Диего финтлари тушларга кирар,
Аммо ўзимизнинг майдонда тинмас
Биргина Миржалол муҳим гол урар.

Миржалол, биз сени яхши кўрамиз,
Худди сен бизларни севганинг мисол
Ҳамиша ёнингда дўстдек турамиз,
Халқимиз бахтига бор бўл, Миржалол!

Сўнгги ўйинларни бир-бир эслайман,
Ширин ўтмишнинг ҳам шириндир ози.
"Термамиз ютқазди Миржалол билан!" -
Аянчли янгради мухлис овози

У кунлар ўтмишдир, эҳтимол ошнам,
Термамиз билмагай балки қайғуни,...
Аммо Миржалолсиз енгган ўйин ҳам
Майдон марказидан излайман уни.

"Тўп билан Миржалол!"- Бу ажиб жумла
Оинаи жаҳонни титратганда зир,
Рақиб қилмайдими ҳар қанча ҳамла,
Унинг енгилиши аниқдир, ахир.

Чунки сен ўзингмас, яшил майдонга
Чиқурсан бутун бир миллат номидан.
Мишель Платини қарсак чалар ва
Ўрнидан қўзғалар эҳтиромингдан.

Жаҳон чемпиони деган унвон-ла
Майдонда эдинг сен ҳоким-у, сардор
Сарфладинг шу миллат шаън-ла,
Аллоҳдан олганинг - юксак иқтидор!

Сен бугун тўйингда қувнарсан балки,
Ўзбек ишқибози чекар азият:
Энди бундан буён бурчак тўпи ҳам,
Жарима тўпи ҳам оддий вазият!

Ҳайрулла Ҳамидов

📲Pressball | Abdulaziz Iskandarov