✅ "Bitti qizni o'qitsak, butun oilani o'qitgan bo'lamiz. Oila bilmli, ma'rifatli bo'lsa, butun jamiyat bilmli, ma'rifatli bo'ladi"
➡️ Prezidentimiz Shavkat Mirziyoyevning 14-fevraldagi yoshlar bilan bo‘lib o‘tgan ochiq muloqot uchrashuvi, albatta, yoshlar uchun yangi imkoniyatlar yaratish borasida juda katta ahamiyatga ega. Ushbu uchrashuvda yoshlarni xalqimizning “oltin fondi” deb atash, o‘z navbatida, ularning mamlakat taraqqiyotidagi o‘rnini qadrlash va ular uchun sharoitlarni yanada kengaytirish zarurligini ta’kidlagan davlatimiz rahbari, yoshlarni iqtisodiyotning barcha sohalarida qo‘llab-quvvatlashni o‘zining ustuvor siyosati sifatida belgiladi.

➡️ Ilgari oliy ta'limda 1 ta o‘rin uchun kamida 10 nafar yigit-qiz kurash olib borar edi. Qisqa davrda oliygohlar soni 3 barobar oshirildi. Tizimda qamrov 42 foizga yetdi.

➡️ Xotin-qizlarga kontrakti davlat tomonidan qoplab berilayotgani hisobiga talaba qizlar soni 11 karra ko‘paydi.

➡️ “Men bir hayotiy fikrni takrorlashdan charchamayman: bitta qizni o‘qitsak, butun oilani o‘qitgan bo‘lamiz. Oila bilimli, ma'rifatli bo‘lsa, butun jamiyat bilimli, ma'rifatli bo‘ladi. Bu boradagi ishlarni yanada jadal davom ettiramiz”, - dedi Prezident.

➡️ O‘tgan 25 yil ichida davlat hisobidan 800 nafar yoshlar xorijga o‘qishga yuborilgan bo‘lsa, birgina “El-yurt umidi” jamg‘armasi orqali so‘nggi 7 yilda 3 barobar ko‘p o‘g‘il-qizlarimiz bunday imkoniyatga ega bo‘ldi.
Endi, Yoshlar agentligi xorijda o‘qiyotgan har bir talabaga bosh-qosh bo‘lib, ehtiyojlarini aniqlashi, Vatanga qaytib, o‘z o‘rnini topishi, muvaffaqiyatli karьera qilishi kabi masalalarda Davlat xizmatini rivojlantirish agentligi bilan teng mas'ul bo‘lishi belgilandi.