Kutubxonalar

Kitobda navbatdagi kutubxona ochildi

Mustaqilligimizning 33 yilligi munosabati bilan 22-avgust kuni Qashqadaryo viloyatining Kitob tumani, Yakkatut qishlogʻida kutubxona oʻz faoliyatini boshladi.

Kutubxona fazilatli shayx Muhammad Sodiq Muhammad Yusuf hazratlarining qizlari Odinaxon Muhammad Sodiq taraflaridan tashkil qilingan «Peshqadamlar karvoni» loyihasining ilm va maʼrifat tarqatish yoʻnalishi boʻyicha tadbirkorlar Faxriddin Toʻraev, Akrom Farmonov, Yakkatut qishloq fuqarolar jamoasining raisi Baxodir Yangiboev va boshqa tashkilotchilar jonkuyarligi ostida ochildi.

Endi qishloqning 5600 nafar axolisi 3,5 mingdan ziyod baddiy va maʼrifiy kitoblarni oʻqishga muvaffaq boʻladilar.

Shuni alohida taʼkidlash kerakki, bu tumandagi «Peshqadamlar karvoni» yoʻnalishidagi 5-qishloq kutubxonadir. Bundan avval «Beshterak», «Sariosiyo», «Ammagʻon» va «Vardon» qishloqlarida ham xalq kutubxonalari tashkil qilingan edi.

Ochilish marosimida tuman hokimi Rustam Gʻofurov va maʼnaviyat ishlar boʻycha hokim oʻrinbosari Gulandon Sattorova, qishloq faxriylari Husniya Eshonqulova, Zahro Farmonova, Gʻulomjon Aliev, Abduhakim Farmonovlar ishtirok etdilar va oʻz nomlaridan kitoblar sovgʻa qildilar.

Kutubxona ochilishida «Hilol Nashr» qoshida ochilgan «Kitobxonlik maktabi» loyihasining masʼuli, yozuvchi ustoz Erkin Malik qatnashdi va «Peshqadamlar karvoni» sovgʻalarini bayram ishirokchilariga topshirdilar.
https://www.instagram.com/p/DFpSo8moumh/?img_index=2&igsh=MTR6MXJjNmYzbmh2dg==