Siz so‘nggi yillarda olamga mashxur mutafakkirlar, donishmandlar hamda psixolog olimlarning ilmiy tavsiyalari, hayotiy tajribalari asosida tayyorlanayotgan, inson shaxsiyati, ruhiy olami, ijtimoiy munosabatlarining shakllanishi va umuman borliqqa  munosabati borasidagi kitoblarni kuzatib  bormoqdasiz.
Binobarin, har bir kishi muayyan yoshga kirib, aqlini tanigandan so‘ng, o‘z tuyg‘ularini, tafakkur tarzini, tegrasidagi kishilarga,  oilasiga, yaqinlariga munosabatlarini bir qur nazardan o‘tkazib olishga ehtiyoj sezadi.
Amaliyotchi psixolog Shavkat Razzoqovning "O‘zlikni anglash zavqi yohud Sizni o‘zgartiradigan kitob" nomli ushbu kitobi Siz azizlarga o‘z-o‘zingizni, aniqrog‘i o‘zligingizni tanib olishingizda beg‘araz ko‘makchi va dasturulamal bo‘ladi, degan umiddamiz.