#сораў_жуўап

☪ ДИНИМИЗДЕ МЕРЕКЕЛЕРДИ ӨТКИЗИЎ ЎӘЖИБ ПЕ?

❓1496-Сораў: Мениң өмирлик жолдасым 65 жаста. 2024-жыл 5-декабрде қайтыс болды. Ағайинлеримиз 20, 40 мереке қылың деп атыр. Сол мерекелерди өткизиў тәртиби, нызам-қағыйдалары, неше адам мирәт етиў кереклиги ҳаққында билмекшимен.

💬 Жуўап: Бисмиллаҳир Роҳманир Роҳийм. Динимизде мәййит ийелери қайтыс болған инсанға атап "үш", "жети", "жигирма", "қырық", "жыл" сыяқлы мерекелерди өткизиўи ўәжиб деген ҳүким жоқ. Себеби, динимиздиң ҳеш бир дерегинде бул мәресимлер өткизилиўи ўәжиб яки сүннет екени айтылмаған. Керисинше, мәзҳабымызға тийисли пәтўа китапларда бул макруҳ әмел екени атап өтиледи ("Фатҳул Қодир", "Баззазийя" китаплары).

✅ Сондай болса да, қайтыс болған адамның жер жеткен перзентлеринен кимдур өз мүлкинен, күн санамастан, хожакөрсинлик ҳәм дәбдебе қылмастан, саўап үмитинде, жетимлер, жарлы ҳәм мүтәжлерге иҳсан берсе, буннан қайтарылмайды. Керисинше, қайтыс болған адамға саўабы жетим барыўы үмит қылынады. Себеби, Әҳли сунна ўәл жәмәәға көре, ийгиликли ислердиң саўабын қайтыс болған адамларға бағышлаў мүмкин. Ўаллоҳу аълам.

  Өзбекстан мусылманлар басқармасы Пәтўа кеңеси

👇👇👇👇👇👇👇👇👇👇👇👇👇👇

     Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz