Parenting pathways

Maslahat N_38

Rotavirus vaksinasi

🦠Rotavirus – 5 yoshgacha bo‘lgan bolalarda og‘ir ichak infeksiyalarining eng ko‘p uchraydigan sabablaridan biridir. Unga eng ko‘p 6–24 oylik chaqaloqlar chalinadi.
💧Barcha bolalar ushbu virusni yuqtirishadi. Lekin yuqori samarali va xavfsiz og‘iz orqali qabul qilinadigan (peroral) vaksinalar mavjud. Shu sababli, zamonaviy tibbiyot rotavirusga qarshi emlashni qat’iy tavsiya qiladi.

🦠Rotavirusga qarshi emlashning asosiy sharti shundaki, uni 6–15 (yana ham yaxshisi 6–12) haftalik yoshda boshlash kerak. Shu tariqa, bola organizmi 6 oygacha – ya’ni ushbu infeksiyaga eng moyil yoshgacha – himoya antitanachalarini ishlab chiqarishga ulguradi.
💧Vaksinani AKDS bilan bir vaqtda kiritish mumkin, bunda vaksina turiga qarab 2 yoki 3 marta yuborish talab etiladi. Dozalar orasidagi interval kamida 4 hafta bo‘lishi kerak, oxirgi dozaning maksimal yuborish yoshi esa 32 haftadan oshmasligi lozim.

#365kungamaslahat
@parentingpathways

Bandaning rizqi ortidan qidirib yurar ekan.
Homila haqida fikr yuritib ko'ring: uning rizqi 1 ta yo'ldan - kindik orqali keladi. Tug'ilgach bu yo'l kesiladi, o'rniga 2 yo'l ochiladi - pokiza rizq - toza sut. 2 yildan keyin bu 2 yo'l kesilib, 4 ta yo'l ochiladi: ikki taom va ikki ichimlik.
Ikki taom - o'simlik va hayvon.
Ikki ichimlik - suv va sut.
Vafot etgach, bu 4 yo'l ham kesiladi, lekin Alloh solih mo'minlarga 8 ta yo'lni - jannatning 8 ta eshigini ochadi.🥹

#rizqkalitlari
@parentingpathways

Bu savolga yo'q olmagan ma'qul deganlar ham bor ekan, farqi yo'q deganlar ham bor ekan. 🤷‍♀🤷‍♀
Men olish tarafdoriman.
2019-yilda tarqalgan qizamiq tufayli ko'p bolalar uni yuqtirishibdi. Vaksina oganlarga ham yuqqan, ular yengilroq o'tkazgan, vaksina olmaganlarga ham yuqqan ular og'irroq o'tkazgan, kichkina chaqaloqlar ham qizamiq bo'lishgan, sababi uni vaksinasi 1 yoshda qilinadi. Qiziq joyi: vaksina olmaganlarda kasallikning asoratlari kuzatilgan, bundan eng achinarlisi - aqliy rivojlanishda ortda qolish, menimcha bu ota-ona uchun eng qiyin holat bo'lsa kerak😔.
Quyida vaksina olmagan bola qizamiq bo'lsa, kelib chiqishi mumkin bo'lgan asoratlarini keltiraman:
-o'rta otit
-diareya
-pnevmoniya
-miya yallig'lanishi
-ko'rlik
-karlik
-nevrologik muammolar.

@parentingpathways

Maslahat N_37

Bolaning uyqusi va ovoz

📻 Bola atrofidagi tovushlar balandligiga oson moslashadi. Agar tug‘ruqxonadan qaytgan paytdan boshlab, bola mutlaq sukunatda uxlatilsa, u aynan shunday sharoitda uxlashga o‘rganadi. Yangi tug‘ilgan chaqaloq kuniga taxminan 16 soat uxlaydi, ota-onalar esa odatda kamroq uxlashadi. Natijada, kunning ko‘p qismida ona va ota ohista yurib, pichirlab gaplashishadi bu esa, unchalik shart emas.

📺 Uyi kichkina oilalar uchun tavsiya: tug‘ruqxonadan qaytgan kuningizdan boshlab, atrof-muhit tovushlarini o‘zgartirmang. Xotirjam suhbatlashavering, telefondayam gaplashavering, televizor ko‘rsangiz ham bo'ladi. Agar bolaga optimal uyqu sharoitlari (ovqatlanish, kiyim-kechak, havo harorati, qulay yotoq joy) yaratilgan bo‘lsa, u hech qanday muammosiz ota-onasining suhbatlari ostida ham uxlashda davom etadi.

#365kungamaslahat
@parentingpathways

Til va nutq

6-11 oylik bola:
🔅 Yo'q - yo'q ni tushunadi
🔅 Ba-ba, pa-pa deydi
🔅 So'zingizni qaytarishga harakat qiladi
🔅 Birinchi so'zini aytadi.

12-17 oylik bola:
🔅 Oddiy savollarga imo-ishoralar bilan javob beradi
🔅 So'zlarga taqlid qiladi
🔅 4 tadan 6 tagacha so'zlarni aytadi.

18-23 oylik bola:
🔅 Lug'ati 50 ta so'zdan iborat
🔅 Yegulik nomini aytib so'ray oladi: banan, suv, non kabi
🔅 Hayvonlar ovozini ayta oladi: baa, moo kabi
🔅 2 ta so'zni qo'shib gap qila oladi: yana bering kabi
🔅 Meniki, uniki kabi olmoshlarni ishlata oladi.

‼️Doktorga olib boring agar:
-15 oygacha bittayam so'z aytmasa.
-2 yoshgacha 25 tadan kam so'z aytsa.

#healthylife
@parentingpathways

❓Siyratni qayerdan o'rganamiz?
1. Qur'ondan.
2. Hadis kitoblaridan.
3. Siyrat kitoblaridan
- Shamoil kitoblari - ko'rinishlari, xulq-atvorlari haqidagi kitoblar.
- Daloil kitoblari - Rosululloh Sollallohu alayhi va sallamning mo'jizalari bayoni haqidagi kitoblar.
- Sahobalar hayoti haqidagi kitoblar.
- Tarix kitoblaridan.
- Urush, g'azotlar haqidagi kitoblar.

📜 Arab millati tarixi
Arablar 2 xil: 1. Boida - yo'q bo'lib ketgan arablar. Od, Samud, dastlabki Jurxum qabilalari kabilar.
2. Boqiya - qolgan. Boqiyalar ham 2 xil: 2.1. Oriba - sof arablar. Qahtoniylar - Nuh alayhissalamning o'g'li Somdan tarqalgan.
2.2. Musta'raba - arablashgan arablar. Ismoil alayhissalam Qahtoniylardan bo'lgan Rovla bint Mudodga uyalanadilar , ulardan tug'ilgan avlodlar mustaraba arablardir.

❓Makkaga butlar qayerdan kelib qoladi?
Amr ibn Luhay Xuzoiy Shomga safar qilganda u yerdagi odamlarni butga sig'inayotganini ko'rib, bizgayam o'rgatila deb o'rganib, xubal ismli butni olib keladi.
Irim-sirimlarni ham Makka ahliga u o'rgatgan.

#siyrat
@parentingpathways

Uyqu muammolariga yechimlar

2⃣4⃣ Uyqu algoritmini tashkil qiling.
Ya'ni uxlashdan oldin bir xil tartibdagi ishlar qilinishi kerak. Masalan, hikoya yoki ertakdan so'ng massaj, iliq suv ichish yoki tishlarni yuvib chiqish kabi.
2⃣5⃣ Bolangiz uxlashi uchun o'zingiz namuna bo'ling. Siz gaplashib o'tirsangiz-u bolaga borib uxla desangiz, tabiiyki unga yoqmasligi mumkin. Yoki uning uyqusiga moslashib o'zingiz ham 9 da uxlang, yoki hamma ishni yig'ishtirib u bilan uxlashga yotib, uxlab qolganidan keyin turib ishlaringizni qiling.
2⃣6⃣ Tinch uxlashi uchun iliq suvda yuvintirish ham yaxshi foyda beradi. Bu yana jismoniy rivojlanishga ham foyda.
2⃣7⃣ Orom uchun xavfsiz muhit yaratib bering. Ayrim texnikalarning ovozidan qo'rqsa o'sha texnikani uyqu payti boshqa joyga olib chiqib qo'ying garchi ishlatilmasa ham.
2⃣8⃣ Bolani massaj qilib turing. Massajni hammomdan oldin qilgan yaxshi, boshdan boshlanib oyoqlar bilan tugatiladi.
2⃣9⃣ Kundalik uyqu tartibiga rioya qiling. Kunduzgi uyqusini me'yorga keltirish orqali tungi uyqu normallashtiriladi.
3⃣0⃣ Bolaning energiya sarflashiga yo'l qo'yib bering. Eng muhim uyqu sharti "ochiq havo" ga chiqish. Toza havoda sayr va yurib o'ynash uyquga qo'yilgan qadamdir.

#mojizaviyyechimlar
@parentingpathways

📌 Inson, chumoli va sichqondan boshqa hech bir jonzot o'z rizqini zaxira qilib to'plab qo'ymas ekan.

@parentingpathways

Maslahat N_36

Kolika

😩 Bola yig‘lasa va uning sababi ota-onalarga tushunarsiz bo‘lsa, bu holatni odatda qorin og‘rig‘i bilan bog‘lab, "kolika" deb atashadi. Bunday holda kasallik qidirish va "qorinni davolash" ga urinish kerak emas.
💊 Ko'pchilik issiq grelkalar, klizmalar, massajlar, ona parhezi, maxsus sut aralashmalari, foydali bakteriyalar va urfga kirgan dori-darmonlarni qo'llashni boshlashadi.

🩺 Tibbiyotda "bolalar kolikasi" degan kasallik yo'q. U o‘z-o‘zidan o‘tib ketadi. "Davolash" uchun vaqt va sabr yetarli.

❗️Quyidagilar asosida bolada aynan kolika bor degan xulosa chiqariladi:
Asosiy alomat – yig‘i:
-davomiyligi kamida 3 soat
-haftasiga kamida 3 kun
-odatda uchinchi haftada boshlanadi va aksariyat bolalarda uchinchi-to‘rtinchi oyga kelib o'tib ketadi.

📌 Agar bu kolika bo‘lsa – sabr qilish va kutish kerak, agar kolika bo‘lmasa – shifokorga murojaat qilib, yig‘ining sababini aniqlash, tashxis qo‘yish va aniq tavsiyalar olish lozim.

#365kungamaslahat
@parentingpathways

Oxirgi paytlar ish yoki o'qish sababli kichkina chaqaloqni uyga tashlab ketishga va sun'iy sut berishga majbur bo'layotgan, lekin bunga qo'lidan kelgancha to'g'ri yechim izlayotgan onalar haqida ko'p eshityapman. to'liq ona suti bilan oziqlanadigan bolani ko'chaga uzoq vaqtga chiqilsa ham ona suti bilan oziqlantirishning iloji bor albatta. Bu - sutni sog'ib olib, tashlab ketish. ishonamanki, barchani qo'lidan keladi. Men buni reja qilib, homiladorlikda kerakli narsalarni sotib olgan edim. Lekin Allohning menga yozgan rejalari boshqa ekan, xayrlisi, menda bunga ehtiyoj bo'lmadi.
Buning yo'l-yo'riqlari va tavsiyalari bilan tez orada bo'lishaman, in shaa Alloh.

@parentingpathways

Bugunga tugadi😅