Oybek Kasimov

Bugun, poytaxtimizdagi “Jar” sport-sog‘lomlashtirish majmuasida voleybol bo‘yicha erkaklar jamoalari o‘rtasida O‘zbekiston chempionatining tantanali ochilish marosimi bo‘lib o‘tdi.

Mamlakat miqyosidagi yilning ilk nufuzli voleybol musobaqasining tantanali ochilish marosimida Ichki ishlar vaziri, O‘zbekiston voleybol federatsiyasi raisi Po‘lat Bobojonov, Sport vaziri o‘rinbosari Shaxrullo Maxmudov, Milliy olimpiya qo‘mitasi bosh kotibi Oybek Kasimov, Toshkent shahar hokimi o‘rinbosari Dildora Rahimova, Rossiya Federatsiyasi voleybol federatsiyasi vakillari, mamlakatimizdagi daxldor tashkilot mutasaddilari ishtirok etib, yurtimizda ommaviy sportni rivojlantirish, iqtidorli sportchilarni saralash tizimini yangi bosqichga olib chiqish ustuvor vazifa ekanligini ta’kidlashdi.

O‘tkazilayotgan O‘zbekiston chempionati ayni maqsadlarga xizmat qilishi e’tirof etilib, mamlakat chempionatida qatnashayotgan barcha jamoalarga omad tilashdi.

Aytish lozim, mamlakat chempionati uchta turdan iborat bo‘lib, uning bu yilgi 1-tur o‘yinlarida har yilgidan ko‘p jamoa ishtirok etmoqda.

Toshkentdagi “Jar” sport majmuasida hamda Toshkent transport universiteti sport majmualarida o‘tkazilayotgan chempionat bahslarida mamlakatimizning turli hududlaridan 20 ta jamoa g‘oliblik uchun kurash olib bormoqda.

Musobaqalarni kuzatib borish, mahoratli sportchilarni aniqlash maqsadida O‘zbekiston voleybol federatsiyasi tomonidan tajribali murabbiylar, xorijlik mutaxassislardan iborat trenerlar shtabi tashkil etilgan bo‘lib, ular iqtidorli voleybolchilarni aniqlash, yo‘naltirish, xalqaro musobaqalarda vatanimiz sharafini himoya qiladigan terma jamoalarga zaxira sportchilarni tanlash kabi masalalarda monitoring ishlarini olib borishi belgilangan.

O‘zbekiston chempionati bahslari 26-fevralga qadar davom etadi.

Instagram / Facebook / Twitter / @OybekKasimov

Bahodir Qurbonov OʻFA prezidenti etib saylandi

Bugun Oʻzbekiston futbol assotsiatsiyasining navbatdan tashqari saylov Kongressi oʻtkazildi. Unda Davlat xavfsizlik xizmati raisi, general-polkovnik Bahodir Qurbonov OʻFA prezidenti etib saylandi.

Oʻzbekiston Respublikasi Bosh vaziri A.Aripov, shuningdek, Sport vazirligi hamda MOQ rahbariyati ishtirok etgan tadbirda rasmiylar B.Qurbonovni yangi lavozimga saylangani bilan qutlab, uning faoliyatida ulkan omad va muvaffaqiyatlar tilashdi.
—
Баходир Курбонов избран президентом АФУ

Сегодня состоялся внеочередной выборочный Конгресс Ассоциации футбола Узбекистана. В ходе мероприятия председатель Службы государственной безопасности, генерал-полковник Баходир Курбонов был избран президентом АФУ.

В свою очередь, Премьер-министр А.Арипов, а также руководители Министерства спорта и НОК поздравили Б.Курбонова с новым назначением, пожелали ему успехов в дальнейшей деятельности.

#Futbol #Saylov

Instagram / Facebook / Twitter / @OybekKasimov

Sport vazirligida Xitoyning “China Camc Engineering” kompaniyasi vakillari ishtirokida uchrashuv bo‘lib o‘tdi.

Bugun Sport vaziri Adkham Ikramov “China Camc Engineering” kompaniyasi vitse-prezidenti Janob Liu Shengsheng bilan uchrashdi. Uchrashuvda Milliy olimpiya qoʻmitasi bosh kotibi Oybek Kasimov ham ishtirok etdi.

Uchrashuv davomida poytaxtimizning Yashnabod tumanida barpo etilayotgan Olimpiya shaharchasidagi qurilishi yakunlangan binolarni jihozlash va shaharcha hududida qurilayotgan Davlat sport tibbiyoti ilmiy-amaliy markazi, muvofiqlashtirish nazorat markazi hamda boshqa binolarda ishlarni jadalashtirish va sifatli tarzda amalga oshirish bo‘yicha oʻzaro fikr almashildi.


Instagram / Facebook / Twitter / @OybekKasimov