Оташ Яшин

Tarjima qilib ko‘rdik, qonday chig‘ibdi?😄

Bir paytlar hech bir tayinli ishi yo‘q, tashvishi yo‘q bo‘lgan o‘zimni qumsayapman. Mol boqishga chiqqanda qornimga qistirib olgan kitobni qaytguncha tugatib kelardim. Kechalari kichkina fonarchani satrma-satr yurgizib kitob o‘qishimda qancha halovat bor edi, uyqu kelmasdi. Bilasiz, qishloqda svet muttasil o‘chadi, kelganida ham g‘animat bilib, baribir televizor tomosha qilar edik.
Hozir, ochig‘i, kunda 3-4 varaq o‘qiymanmi yo yo‘q, uyqu elitadi. Internetdagi videokontent esa zeriktirmay, sizni tun yarimgacha eltadi.
Uyimiz oldida katta tut daraxti bo‘lardi. Eng tepasiga qulay joylashib, ko‘rpacha to‘shab, baklashkada choy, sumkada kerakli kitoblar... Ana endi, quyuq shabadaga mast bo‘lib, quloq ostida gupurlab turgan epkindan rohatlanib kitob o‘qish haqiqiy kayf edi...
Hozir na u daraxt bor, na o‘shandagi shasht.
To‘g‘ri, ko‘p kitob o‘qigan emasman, lekin mutolaa mazasini his qilgan odam sifatida shunday ta'riflab berishim mumkin.
Balki bu ko‘proq o‘qishimga turtki bo‘lar...

Qaysidir tanishingiz telefon qilib, sizdan xabar olmayotganidan noliyotgan boʻlsangiz, sizga ikki ogʻiz gap bor.
Balki uning ishlari, hal qilishi kerak boʻlgan muammolari yetarlichadir, yoki unga ha deb telefon qilishini aytaverish befoydadir, ammo siz borsiz-ku! Birgina qoʻngʻiroq qilganingizni ham minnat qilaverish toʻgʻri boʻlmaydi axir.
Oʻylab koʻring, sizga tez-tez qoʻngʻiroq qilmaydigan doʻstingiz qaysidir odatlaringizni xushlamas. Masalan, gapni choʻzib oʻtirishingiz, keraksiz narsalarni vaysashingiz... Undan keyin, shaxsiy hayotini titkilash, oʻzini noqulay his qildiradigan savollar berishingiz, "koʻrinmay qolding?", "yoʻq boʻlib ketding?", "tirikmisan?", "sen ham bormisan oʻzi?" va hokazo.
Menimcha, telefon suhbati qisqa va aniq boʻlishi kerak. Davomiy va batafsil boʻlishi uchun telegram chat yoki jonli gurung kerak.
Yana bir eslatma, sizga kimdir aytmoqchi boʻlgan gaplarini erinmay telegramdan yozib yoki ovozli joʻnatgan boʻlsa, beeʼtibor qoldirmagan maʼqul. Ikkinchi tomon ham ha deganda tarang qilavermasdan kutishi kerak. Foyda bermadimi, indamay boshqa hojatbaror izlagani maʼqul. Qarzingizni soʻrayotgan boʻlishsa (boʻlib ham Telegramda), unda berilgan lafz muddati oʻtganidan darak. Ishonchni yoʻqotib boʻlibsiz, tabriklayman!
Eʼtiborni xoslarga, arziydiganlarga qaratish kerak, manfaatli odamlar uchungina emas, deb oʻylayman. Agar arziydigan odam boʻlsangiz, sizni albatta izlab topishadi. Kecha 3 yil oldin yozishgan kursdoshimning profili oldimdan chiqib qoldi. Yozdim, hol-ahvol soʻradim. Uzoq kuttirmasdan zumda javob qaytardi. Ikkalamiz ham xursand.