O‘QITUVCHI

🔰Sinf rahbarga qiyin

Ko‘rmay qoldi halovat,
Qolarmikan salomat,
Davomat hoy davomat,
Sinf rahbarga qiyin.
               ※※※
Asab tarang,g‘ij miya,
Kayfiyat qiya-qiya,
Har kuni komissiya,
Sinf rahbarga qiyin.
               ※※※
Ichda odam olasi,
Darsga kelmas bolasi,
,,Repetitor" balosi,
Sinf rahbarga qiyin.
               ※※※
Ishlarning yo‘q poyoni,
Makka, sabzi bir yoni,
G‘o‘zapoya sezoni,
Sinf rahbarga qiyin.
               ※※※
--Nechta kepti,qani,ho‘sh,
Sinf xona yarmi bo‘sh,
--Bola olib kelib qo‘sh,
Sinf rahbarga qiyin.
               ※※※
Bechora sho‘r peshona,
,,Chopar"u yon bu yona,
Gap uqmas ota -ona,
Sinf rahbarga qiyin.
               ※※※
Keng dunyosi bo‘lib tor,
Gap eshitar tong,noxor,
Bariga u aybdor,
Sinf rahbarga qiyin.
               ※※※
Qizil,yashil, hur maktab,
Kel og‘zimga ur maktab,
,,Tayyorlovga sur maktab",
Sinf rahbarga qiyin.
               ※※※
Ko‘rmaydi hech halovat,
Davlena ming harorat,
Qolarmikan salomat,
Sinf rahbarga qiyin.

Xurshid Karim

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰USTAMA OLISH UCHUN O‘QITUVCHILAR QANDAY HUJJATLARNI YIG‘ISHI KERAK?

Kanalimizga shu kabi savollar ko‘plab o‘qituvchilardan kelmoqda. Soddaroq qilib tushuntirishga harakat qilamiz.

Ustama tayinlash uchun Xalq ta’limi vazirligining 2021-yil  11-iyundagi 02-02/3-1699-sonli rasmiy xatida o‘qituvchidan talab etiladigan asoslovchi hujjatlar ro‘yxati aniq keltirib o‘tilgan. Quyida ushbu hujjatlar ro‘yxatini keltirib o‘tamiz.

3-bo‘lim, olimpiada va boshqa tanlovlar uchun o‘qituvchida o‘quvchisini tumanda (shaharda)  1-2-3-o‘rinni olganligi haqida diplom, sertifikat, faxriy yorliqlardan biri va hakamlar hay’atining qaroridan ko‘chirma. Agar o‘quvchisi 4- va undan keyingi o‘rinlarni olgan bo‘lsa, hakamlar hay’ati qaroridan ko‘chirma.

4-bo‘lim, ish tajribalarni ommalashtirish bo‘yicha, tegishli  kengash qarori va ommalashgan ish tajribaning metodik majmuasi. Platformada ommalashgan bo‘lsa sertifikat.

7-bo‘lim, malaka oshirganligi haqidagi sertifikat.

8-bo‘lim, sinfdan tashqari olib borgan tadbirlari haqida bir varoqdan oshmagan holda ma’lumot va ikki dona fotolavha.

Ustama olish uchun o‘qituvchilar mana shu 4 dona hujjatni ishchi guruhga taqdim etishlari kerak.

Baholash mezonidagi qolgan bo‘limlar uchun hujjatlarni maktabning ichki hujjatlaridan ishchi guruhning o‘zi aniqlashtirib oladi.

Hozirda ko‘p o‘qituvchilarning bizga yozishicha maktab rahbarlari turli xil hujjatlarni talab qilishayotganligi, prezentatsiyalar qilish kerakligini talab qilib, fayllarni ishirishni so‘rayotganligini bildirishmoqda.

Shuni ma’lum qilamizki, yuqoridagi xatga asosan ushbu 4 ta hujjatdan boshqa hujjatlarni talab qilish QAT’IYAN MAN qilinadi. Qolaversa, tuman (shahar) MMTB lari ishchi guruhning faoliyatiga va ular qabul qilgan qarorlarga aralashishlariga yo‘l qo‘yilmaydi. Nizom talablarini buzgan shaxslar qonun hujjatlarida belgilangan tartibda javobgarlikka tortiladi.

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰MAKTABNING QO‘SHIMCHA DAROMADINI SARFLASH BO‘YICHA.

Ko‘plab maktablarning qo‘shimcha daromadi bor. Bular maktabning yerlari, bog‘i, ekin maydonlari, ijaraga berilgan binolar, tadbirkorlardan olinadigan pullar va boshqa.

Olingan qo‘shimcha daromadni maktabning bankdagi maxsus hisob raqamiga o‘tkazish talab etiladi. Maktabning hisobiga tushirilgan pullarni esa, maktabning moddiy-texnika bazasini mustahkamlash, bino va inshootlarni, ilmiy laboratoriyalarni texnik shartlar asosida joriy ta’mirlash va jihozlash, xalqaro ilmiy axborot bazalari va kutubxona resurslariga ulanish, axborot-kommunikatsiya texnologiyalarini joriy qilish va boshqa maqsadlarda ishlatiladi.

Maktabning budjetidan tashqari mablag‘larining hisoboti doimiy ravishda kuzatuv kengashiga berib boriladi va mablag‘larni sarflanishida ham kuzatuv kengashining fikrini inobatga olgan holda amalga oshiriladi.

Asos: Vazirlar Mahkamasining 2021-yil 27-apreldagi 243-son qarori

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰METODBIRLASHMA RAHBARIGA 10% USTAMA QUYIDAGI QILGAN ISHLARI UCHUN BERILADI.

Vazirlar Mahkamasining 823-sonli qarori bo‘yicha umumtaʼlim muassasasining fan yo‘nalishlari bo‘yicha metodbirlashma rahbarlariga 10% ustama berish mumkinligi ko‘rsatib o‘tilgan.

Xo‘sh, bu ustamalar qaysi mezon asosida belgilanadi? Ushbu mezon Maktabgacha va maktab ta’limi vazirligining 2023-yil 22-avgustdagi 02-02/1-1347-sonli xatida belgilab berilgan.

Unga ko‘ra metodbirlashma rahbarlari quyidagi ishlarni bajarishlari kerak bo‘ladi.

Metodbirlashma rahbari tomonidan metodbirlashma aʼzolari uchun kamida 3 va undan ortiq metodik tadbir (o‘quv-seminar, mahorat darslari, fanga doir qo‘shimcha maʼlumotlar, yangiliklar muhokamasi yuzasidan davra suhbati va hokazo) tashkil etilgan bo‘lishi;

Metodbirlashma rahbari tomonidan metodbirlashma aʼzolariga taʼlim-tarbiya jarayonida foydalanish uchun chorakda 1 ta pedagogik texnologiya yoki o‘quvchilarning fanni o‘zlashtirishdagi bo‘shliqlarini to‘ldirish usullari tavsiya etilgan boʼlishi;

Metodbirlashma rahbari tomonidan umumta’lim muassasasida boshqa fan metodbirlashmalari bilan fanlararo integratsiyani kuchaytirish va STEAM yondashuvni samarali tashkil etish masalasi chorakda bir marta muhokama qilinishi;

Metodbirlashma rahbari tomonidan umumtaʼlim muassasasida metodbirlashmaga a’zo bo’lgan o‘qituvchilarning barchasi “Ochiq dars”lar tashkil etishini nazorat qilishi;

Metodbirlashma rahbari tomonidan metodbirlashma yig‘ilishini chorakda bir marta o‘tkazilgan bo‘lishi kerak.

Qilingan ishlar yuzasidan metodbirlashma rahbari maktabda tuzilgan ishchi guruhga bir varoqdan oshmagan holda qisqa ma’lumot va ikki dona fotolavha taqdim etishi kerak bo‘ladi. Ishchi guruh qilingan ishlarni 100 ballik tizimda ballaydi va eng kamida 61 ball to‘plangan taqdirda 10% ustama belgilaydi.

Ushbu baholash mezonlarining to‘liq matni.

ESLATMA: sinf rahbarlari metodbirlashmasi rahbariga 10% li ustama to‘lanmaydi. Chunki, ustama faqatgina fan yo‘nalishidagi metodbirlashma rahbariga to‘lanadi.

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰Oʼquvchi daftar tutmagani uchun uning ota-onasini MJK ning 47-moddasiga asosan ma’muriy javobgarlikka tortish mumkin.

Аssalomu aleykum. Men maktabda  informatika fanidan dars beraman. Darsda oʼquvchilar umuman daftar tutmasa yoki daftarim qolib ketibdi deb har hil baxonalar topib umuman daftar tutmasa, oʼqituvchi ayibdormi bunday holatda oʼqituvchiga qonunan jazo bormi oʼqituvchi nima qilishi kerak bunday vaziyatda oʼquvchilar fandan daftar tutmasa  oʼqituvchi qonunan ayibdor hisoblanadimi?

YURIST JАVOBI:

Oʼquvchi daftar tutmagani uchun oʼqituvchini emas, ota-onani javobgarlikka tortish kerak.

Birinchidan, Taʼlim toʼgʼrisidagi qonun 51-moddasida voyaga yetmagan taʼlim oluvchilarning ota-onasi va boshqa qonuniy vakillarining bir qator majburiyatlari qayd etilgan boʼlib, unga koʼra yuqoridagi shaxslar:

➖ oʼz bolalarini insonparvarlik, vatanparvarlik, mehnatsevarlik, maʼnaviy, milliy va umuminsoniy qadriyatlarni hurmat qilish ruhida tarbiyalashi;

➖ oʼz bolalarining intellektual, maʼnaviy va jismoniy rivojlanishi uchun shart-sharoitlar yaratishi;

➖ taʼlim-tarbiya jarayoni ishtirokchilarining shaʼni va qadr-qimmatini hurmat qilishi shart.

Аynan mana shu majburiyatlar oʼquvchining qonuniy vakillarining oʼquvchining huquqqa hilof harakatlari uchun javobgarlikni oʼz zimmasiga olishini anglatadi.

Ikkinchidan, Xalq taʼlimi vazirligining 01.07.2021 yil 206-sonli buyrugʼiga asosan tasdiqlangan oʼqituvchilarning lavozim majburiyatlarida oʼqituvchining oʼquvchilarga daftar tuttirish majburiyati qayd etilmagan.

Bunday holatda ota-onaga Maʼmuriy javobgarlik toʼgʼrisidagi kodeks 47-modddasi ikkinchi qismi bilan javobgarlik chorasi qoʼllaniladi.

Yaʼni Xuddi shunday huquqbuzarliklar maʼmuriy jazo chorasi qoʼllanilganidan keyin bir yil davomida takror sodir etilgan boʼlsa:
➖ bazaviy hisoblash miqdorining 5 baravaridan 10 baravarigacha miqdorda jarima solishga sabab boʼladi.

Manba: Yurist_Xizmati

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰METODBIRLASHMA RAHBARI HAR CHORAK HISOBOT TOPSHIRISHI KERAKMI?

Shu kunlarda kanalimizga ayni mazmundagi savollar kelmoqda. Soddaroq qilib tushuntirishga harakat qilamiz.

Ma’lumki, metodbirlashmalarning faoliyati Maktabgacha va maktab taʼlimi vazirining 2024-yil 5-yanvardagi “Umumta’lim muassasalarida uzluksiz metodik xizmat koʻrsatish ishlarini yanada takomillashtirish toʻgʻrisida” gi  8-sonli buyrugʻi bilan tartibga solinadi. Ushbu buyruqning 2-ilovasi 21-bandida metodbirlashmalar faoliyatiga oid hujjatlar roʻyxati keltirilgan.

Unda metodbirlashmaning tasdiqlangan yillik ish rejasi, yigʻilish bayonnomasi va yillik hisoboti boʻlishi lozimligi qayd etilgan. E’tibor bergan boʻlsangiz, bu yerda choraklik hisobotlar haqida soʻz bormagan. Faqatgina yillik hisobot qilinishi boʻyicha ma’lumot berilgan.

Yillik hisobot bu oʻquv yilini oxirida tuziladimi, yoki kalendar yilini oxiridami degan savol tugʻilishi mumkin. Nizomda bunga aniqlik kiritilmagan.

❗️Bizningcha, yillik hisobot oʻquv yili oxirida tuziladi va OʻIBDOʻ ga topshiriladi. Chunki, Maktabgacha va maktab taʼlimi vazirining 2024-yil 5-yanvardagi 8-sonli buyrugʻining 2-ilovasi 16-bandida “Oʻquv yili oxirida Metodbirlashma faoliyatiga oid barcha hujjatlar direktorning oʻquv ishlari boʻyicha oʻrinbosari tomonidan tahlil qilinadi.” degan jumla ishlatilgan. Shunga asoslanib hisobot har chorakda emas, balki, oʻquv yilini oxirida yoziladi va OʻIBDOʻ ga topshiriladi deb aytishimiz mumkin.

Manba: 🔰 MAKTAB kanali

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰METODBIRLASHMA RAHBARI HAR CHORAK HISOBOT TOPSHIRISHI KERAKMI?

Shu kunlarda kanalimizga ayni mazmundagi savollar kelmoqda. Soddaroq qilib tushuntirishga harakat qilamiz.

Ma’lumki, metodbirlashmalarning faoliyati Maktabgacha va maktab taʼlimi vazirining 2024-yil 5-yanvardagi “Umumta’lim muassasalarida uzluksiz metodik xizmat koʻrsatish ishlarini yanada takomillashtirish toʻgʻrisida” gi  8-sonli buyrugʻi bilan tartibga solinadi. Ushbu buyruqning 2-ilovasi 21-bandida metodbirlashmalar faoliyatiga oid hujjatlar roʻyxati keltirilgan.

Unda metodbirlashmaning tasdiqlangan yillik ish rejasi, yigʻilish bayonnomasi va yillik hisoboti boʻlishi lozimligi qayd etilgan. E’tibor bergan boʻlsangiz, bu yerda choraklik hisobotlar haqida soʻz bormagan. Faqatgina yillik hisobot qilinishi boʻyicha ma’lumot berilgan.

Yillik hisobot bu oʻquv yilini oxirida tuziladimi, yoki kalendar yilini oxiridami degan savol tugʻilishi mumkin. Nizomda bunga aniqlik kiritilmagan.

❗️Bizningcha, yillik hisobot oʻquv yili oxirida tuziladi va OʻIBDOʻ ga topshiriladi. Chunki, Maktabgacha va maktab taʼlimi vazirining 2024-yil 5-yanvardagi 8-sonli buyrugʻining 2-ilovasi 16-bandida “Oʻquv yili oxirida Metodbirlashma faoliyatiga oid barcha hujjatlar direktorning oʻquv ishlari boʻyicha oʻrinbosari tomonidan tahlil qilinadi.” degan jumla ishlatilgan. Shunga asoslanib hisobot har chorakda emas, balki, oʻquv yilini oxirida yoziladi va OʻIBDOʻ ga topshiriladi deb aytishimiz mumkin.

Manba: 🔰 MAKTAB kanali

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰SINF RAHBARI DAFTARINI ELEKTRON HOLDA HAM YURITSA BO'LADIMI?

Javob: Ha, elektron holda yuritish mumkin. MMTV ning 2023-yil 27-iyundagi 190-sonli buyrug‘i 5-ilovasi bilan sinf rahbarlari daftari tasdiqlangan. Ushbu daftarda uni elektron holda ham yuritish mumkinligi quyidagicha bayon etilgan.

"Mazkur daftar sinf rahbarlari tomonidan qog‘oz yoki elektron ravishda yuritilishi mumkin. Sinf rahbari daftariga ijodiy yondashilgan holda o‘zgartirishlar kiritilishi mumkin. Ushbu daftarning yuritilishi maktab direktorining ma’naviy-ma’rifiy ishlar bo‘yicha o‘rinbosari tomonidan o‘quv yilining har bir choragi yakunida nazorat qilinadi."

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii

🔰Ona tilidan olingan milliy sеrtifikat uchun boshlang'ich sinf o'qituvchilariga ham 50 foizlik ustama to'lanadi

❓Savol:

2025-yil 1-yanvardan ona tili va tarix o'qituvchilariga milliy sеrtifikat uchun 50% ustama to'lanar ekan. Shunda milliy sеrtifikatga ega boshlang'ich sinf o'qituvchilariga ham o'zbеk tili va adabiyotidan boshlang'ichlarda dars o'tgani uchun 50 foiz to'lanadimi?

✅Javob:

Mazkur masala yuzasidan xalqtaliminfo.uz Maktabgacha va maktab ta'limi vazirligiga so'rov yuborgan ekan. Shundan so'ng vazirlik ushbu savolga batafsil javob yo'lladi.

Ma'lumki, O'zbеkiston Rеspublikasi Prеzidеntining "O'zbеkiston 2030" stratеgiyasini "Yoshlar va biznеsni qo'llab- quvvatlash yili”da amalga oshirishga oid davlat dasturi to'g'risida"gi 37-son Farmoni 12-bandiga ko'ra 2025-yil 1-yanvardan boshlab Bilim va malakani baholash agеntligi tomonidan bеrilgan milliy sеrtifikatga ega "Ona tili va adabiyot hamda Tarix" fani o'qituvchilariga 50 foiz miqdorida ustama to'lanishi bеlgilandi.

Bilim va malakani baholash agеntligi tomonidan bеrilgan ona tili va adabiyot (o'zbеk tili va adabiyot, rus tili va adabiyot, qoraqalpoq tili va adabiyoti) sеrtifikatlari uchun 50 foiz miqdorida ustama to'lanadi.

✅Bunda:

Ta'lim tili o'zbеk tili bo'lgan maktablarda dars bеruvchi pеdagoglarga o'zbеk tili va adabiyoti sеrtifikati uchun ona tili va adabiyot faniga;

Ta'lim tili rus tili bo'lgan maktablarda dars bеruvchi pеdagoglarga rus tili va adabiyoti sеrtifikati uchun ona tili (rus tili) va adabiyoti faniga;

Ta'lim tili qoraqalpoq tili bo'lgan maktablarda dars bеruvchi pеdagoglarga qoraqalpoq tili va adabiyoti sеrtifikati uchun ona tili (qoraqalpoq tili) va adabiyoti faniga tеgishli dars soatlari uchun ustama to'lanadi.

Ya'ni yuqoridagi Farmon talablaridan kеlib chiqib, ona tili va adabiyoti hisoblangan fanlar uchun dars bеrayotgan o'qituvchilarga fan soatlari uchun 50 foiz miqdorida ustama to'lanadi.

✅Shuningdеk, boshlang'ich ta'limda ona tili bo'yicha dars bеruvchi ustozlarga sinflar kеsimida quyidagi fan soatlari uchun 50 foiz miqdorida ustama to'lanadi:

1-sinfda o'quv yilining 1-2-choraklarida 4 soat "Alifbе", 4 soat "Yozuv", 3-4-choraklarida 4 soat "Ona tili", 4 soat "O'qish savodxonligi" fani;

2-4-sinflarda 4 soatdan "Ona tili", 3 soatdan "O'qish savodxonligi" fani.

❗️Ma'lumot uchun: O'zbеk tili (davlat tili) fanidan dars bеruvchi pеdagoglarga (barcha qardosh tillarga) esa ularning tarif stavkasiga nisbatan 20 foiz miqdorida ustama to'lanadi. O'zbеk tili (davlat tili) fanidan dars bеruvchi pеdagoglarga 50 foiz miqdorida ustama to'lab bеrilmaydi.

📚Hujjat Bot

O‘qituvchilar kanalining manzili bu yerda👇👇👇
https://t.me/oqituvchii